yannymami

想問下各位mami，你們更新mami talk apps後，能看到其他mami 的回應內容嗎？
我完全看不到…… 前日已send email 去mami talk 反映，至今仍未有任何回覆！
只有我有此情況？ 還是很多mami 也遇到這樣？

我B女啱啱11個月大，的確係比之前易湊咗，而家食奶食粥同瞓覺都定時定候，不過……好痴我，基本上只要有我系身邊，佢响屋企就會好放心咁自己玩，自己不停爬黎爬去又扶住D牆自己行！
但係一出到街，佢就判若兩人……而家甚至唔肯坐BB車( 之前佢都肯坐 )，一定要我用揹帶揹住佢，一放佢落BB車同佢落街，起初都冇事，不過一去到有陌生人既地方，佢就媽媽，媽媽，然後扁嘴，唔抱起佢馬上喊，一定要抱……就連去到婆婆公公屋企都照樣唔落地，一定要抱……啊~啊~ 點解會越大越痴人架？我好擔心佢咁痴身，第日點報N班點返學啊？

B女9個月大，上星期同佢參加完一間 playgroup既試堂，見佢$ 50就可以試堂，就諗住睇下環境同睇下適唔適合。
因為我B女係屬於痴身同内向……反正就係只要有媽咪陪住就唔會發脾氣同唔會喊果種！我原本係想佢接觸多D同齡既小朋友，唔駛日日只對住我，可以冇咁痴身同冇咁怕陌生人！
課程包括，要B女爬去揾媽咪，要佢捐隧道，要佢扶住行一段路，跟兒歌節奏摸身體部位，系透明膠袋裡面揾小饅頭，分別布既質感……大致一個鐘頭裡面就玩埋D！
上完堂之後，B女好攰，一抱上身幾分鐘就瞓著咗！系果刻……我覺得好殘忍，9個月BB其實仲係好細，要佢一個鍾頭裡面做咁多動作，佢體力其實真係好有限……所以我唔會同B女報名住，或者...

我發現呢幾日B女瞓覺果陣出好多汗，已經開咗風扇( 夜晚天氣咁涼，冇理由開冷氣 ) 瞓到半夜連我都覺得凍，一摸B女枕頭濕，背脊條汗巾又濕，後頸位又係濕……
我連續兩晚要抱佢起身抹汗同換背脊汗巾，結果整醒咗佢…… 又飲返6安奶先再瞓……
不過佢日頭又好精神唔似作病，各位媽媽，你地BB有冇類似問題？

我肩膀，後頸，右手臂同右手腕都好痛，貼咗鎮痛膏貼好似好D，但過一陣又痛，想問下有冇媽媽有類似情況？有咩方法可以舒緩一下？

今日帶阿B去健康院做測試同打針。
阿B做到曬6個月要做既測試，包括扶住企，自己坐，左右手交換玩具。下次到一歲先再返健康院！
體重同身高已經去到成長線中間，正式由小碼B升級成中碼B了……好開心啊！
不過最後要打3針……阿B喊到停唔到……最後喊到瞓咗先停……好可憐啊！
佢爸爸今次都有去……我見到爸爸都有D眼濕濕，原來最堅強既係我，因為我由健康院一直抱佢抱到返屋企……
做咗媽媽先會明白，阿B完成測試自己會好開心，阿B打針喊喊……我會仲緊張過自己打！

我B女出世得2.6kg，一直係生長線下面果條。今日量B女6個月有7.4kg。終於可以追返條生長線啦！
我起初仲唔信，除晒佢D衫仔，尿片，量咗幾次！
好感動啊！

一田BB展又來啦！

我發現阿B只鍾意食甜，呢排我試過餵水果蓉，米糊(用配方奶開)，蛋黃蓉，麥片，粥仔，士多啤士乳酪比佢……如果係水果蓉，米糊，乳酪就不停食(不過我唔敢比佢食咁多)，但係蛋黃蓉，麥片，粥仔就含完吐返出黎，再餵又再含又再吐返出黎，仲喊埋唔肯食…… 試咗兩次都係咁！咁細個就偏食？

如果B女啱啱5個月大，6.9kg重，每日食6至7餐，每餐4至5安配方奶粉(大部分時間只飲到4安就停) 係咁食得太少？我朋友BB6個月大，已經食緊8安奶啦，我B女同佢BB相差近兩個碼……

我上星期啱啱帶阿B去咗私家診所度食輪狀病毒口服疫苗 同打乙型流感嗜血桿菌疫苗，不過阿B其實遲在食輪狀隻疫苗架，因為要24週大前食晒兩劑，每劑相隔6至8星期，而家阿B21週大先食咗一劑，醫生話月底去食埋第2劑同再打乙型流感嗜血桿菌疫苗第二針(總共要打四針)，其實……我有D擔心會唔會兩劑相隔得太短時間呢? 問醫生，佢又話冇問題，月底就24週，唉，我有D怕阿B會頂唔順啊……