Sophia

想問一下咁多位媽咪有咗BB後係咪夫妻間爭吵就多了，而且全部都係為Ｄ微不足道嘅小事。我老公變得脾氣好差，好無耐性，睇咩野都唔顺眼，成日郁Ｄ就發脾氣。我知道佢返工有壓力，多咗個細路開支大咗好多，晚黑BB喊會吵醒佢，唔够精神返工。但我都好大壓力，佢要面對嘅我都同樣面對，而且我仲要照顧BB，為奶水多少而憂心，為營養攝取而節制飲食，仲要做產假後返工和湊B嘅安排及心理調節。我老公仲時不時發我脾氣。天一黑我情緒就低落，好多次晚黑我就抱住個仔偷泣。唔想同我屋企人或朋友講，怕佢地擔心，加上佢地都幫唔到。

我BB近排肚仔有風，唔多舒服又唔識講俾大人听肚仔痛，所以只能用喊同不斷取食來表達。我身邊有位親人總說是因為我的母乳稀唔似牛奶，所以BB唔飽，－直要我加大喂奶量。BB先三週大（現在剛剛滿月）已經由埋身喂完補30ml加到110ml pump奶。搞到BB依家體重增長超標，果個人仲－直講我的母乳太稀，BB唔够飽。我同佢講母乳中90%係水份當然唔够牛奶濃。佢话唔係，别人的母乳都比我的濃。我問佢咁想我點？喂奶粉唔喂母乳？佢話可以，－唔係就加大喂母乳份量。我真係好想叫佢擠佢自己Ｄ奶出來睇下有幾濃。

我媽話喂人奶期間系唔會來大姨媽。當真？我系剖腹生，生完四日飲生化湯，之後有少量惡露，幾日後清了。今日系產後第十九日，有少量大姨媽流出。請問究竟系咪喂人奶就無大姨媽呢？我哩Ｄ究竟是惡露未盡還是大姨媽呢？