之前我分享過屋企自製健康版雞扎,不過唔少朋友問題我會唔會有素食版,所以今次我諗好用四款材料整入面既餡,食落真係唔錯嫁,配合醬汁加埋蔬菜鮮味,好似我咁平時鍾意食菜既係完全食唔停口,閒時食吓素身體感覺會輕鬆啲舒服啲,所以大家都可以整嚟試吓!! 材料 南瓜 8條 腐皮 8塊 雞髀菇 8條 粟米 8條 金菇 8份 步驟 1. 所有材料切開八份備用 2. 腐皮放底,然後逐樣材料放上去 3. 小心卷好每一份並放碟上 4. 中大火水滾計蒸15分鐘,再倒出碟上多餘水份 5. 慢火煮少量豉油,糖鹽及粟粉混成醬汁 6. 最後倒係面上就搞掂! 煮餸小貼士 *材料加入翠玉瓜都係唔錯既選擇 **大家要先確認進食者對材料無敏感 ***食譜只供參考,一切份量大家要自行判斷 其他簡單素菜式: 惹味三色素炒 少甜零難度芝麻糊 椰汁芋頭西米露 潤肺潤喉!蘋果雪梨雪耳湯 潤肺補腦!南瓜腰果百合雪耳湯 健脾開胃補腎!合掌瓜栗子腰果素湯 一屋一貓兩B生活分享、每週小煮意食譜、親子好去處、大家記得要follow呀! 喜歡玩IG的朋友記得Follow:kylife.babies 我哋既Fanpage專頁:Kylife與二寶之日常