疫情仲未完全結束,我哋仲係唔太放心到室內遊樂場玩,所以最近我哋多數會到戶外放電。 今次帶咗和牛B,去尋找舊式嘅屋村鐵皮滑梯公園遊玩。 嚟到呢到係沙田小瀝源嘅「廣源邨」,大家可以話咪又係一個普通嘅屋村公園。 但就特別在,仲係舊時細個玩嘅經典鐵皮滑梯!! 鐵皮滑梯真係買少見少…夏天辣Pat Pat,冬天無靜電嘅滑梯!! ^ 馬騮架,以前嘅馬騮架都起得幾高~ ^ 舊式嘅搖搖公仔 ^ 旋轉式樓梯設計 鐵皮滑梯都幾高身,所以家長要多加注意~ 妹妹仲細,今次就唯有陪住家姐住先啦~ 回想返,細個好多時爸爸工作忙,好少有機會陪我去公園玩呢... 呢個公園嘅確實位置係,位於廣源邨廣榕樓。 嚟到小瀝源嘅廣源邨,呢到仲有一間外牆設計好特式嘅紅磚屋麥當勞。 見到外型咁特別,所以我哋又揀咗去呢到食個午餐小休~ 雖然係食麥當勞無咩特別,不過睇出窗外風景都係紅磚屋設計,感覺好似去咗度假咁~ 廣源邨仲有一個特式鐘樓~ 原來鐘樓唔淨止尖沙咀碼頭有,呢到都有一個~ -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。