最近友人誕下麟兒,確實值得慶賀。 但係當我見到佢哋喺咁唔容易嘅情況之下,仍舊影到出手術室後嘅第一張全家福,我真係超級羨慕。 我即刻問老公:「點解我哋影唔到呢張相?我真係好唔開心!」 我都唔知道點解當媽後特別鍾意「比較」。以前還記得老公講過我其中一個優點,就係唔多計較。 我有join咗兩個媽媽whatsapp group,有時媽媽們會share BB嘅成長進度出嚟,我又會在比較,點解我嘅BB仲未做到嘅?! 老公答我:「咁係因為你感恩嘅心失去了,其實最緊要係BB身體健康。BB由出世以嚟,黃疸沒有、成長線一直喺最高位置、食奶奶食得快、poo poo都好健康……而且,我哋有自己嘅屋企,auntie亦都好幫到我哋手……」 的而且確,「感恩」沒有了,「比較」便取而代之。不要看自己沒有的,總要看自己擁有的。