芝芝一眨眼已經就黎10個月, 今日先正式的起心肝,想記錄一下一直以黎既生活! 因為想生小朋友, 所以決定要結婚, 非常好運地,婚後3個月已經發現有左4weeks, (我仲好記得我發現前一日先陪我Friend個囡去玩完波波池,我仲狂跳彈床) 係我出發去旅行前既一個星期因為遲左黎M而是但買左支棒黎驗, (我到而家都仲有保留嫁, 話晒一生人只有一次見到既兩條線,因為我並唔打算生第2胎) 當我猶豫左兩秒之後就決定要繼續我既旅程,當無事發生, (而家諗返自己真係好大膽呀,大家千祈唔好試!懷孕初期真係要非常小心嫁) 去到旅行, 我仲照游水食野, 到去完旅行返黎,過左2個星期, 到8weeks時我先正式去睇第一次婦產科, 呢個醫生係朋友介紹, 我無特別要求, 而且我亦無打算要開刀, 我一心想係公立醫院順產,所以無特別去理會睇邊位醫生, 我係瑪嘉烈醫院生產, 自從oscar之後,就一直係荃灣仁愛健康院到做檢查,直到生先再返醫院, 由於我唔係高齡,屋企亦無長期病例,所以就唔屬於需要飲糖水既一類, 所以一直都係普普通通既例行檢查,聽下BB心跳呀,磅下重咁, 而我都有keep住返私家診所到覆診,因為總係期待見下bb,只有係私家診所先可以照下bb, 順帶一提,我自己係有先天性貧血,所以公立醫院係有要求我老公都要去驗血, 如果我老公都有貧血既因子既話, 我地生出黎既bb就會有4分1機會輸要定時去醫院輸血, (係婚前檢查既時候,我地已經check到呢個問題, 咁當然我老公係無貧血既因子,我地先會決定繼續我地既生育大計啦, 初初聽到呢個消息真係好擔心嫁,好在最後都無問題!!) 因為我地婚前檢查既report唔係好耐之前,所以我地只需要將老公既報告交返去醫院,咁老公就可以唔洗抽血驗喇, 幫我老公避過左佢最怕既抽血環節! 係呢10個月既懷孕期,我每1日都非常非常咁期待芝芝快啲出世, 係8個月開始我仲係肚到出左蕁麻疹....真係非常之咁痛苦, 每日都朝早先訓到,訓一陣又起身, 但可惜,芝芝到40週都係無任何想出世既徵兆.....(而家諗返起就覺得佢遲出黎係好好既事) 下一篇將會係遲來的生產日記!! 歡迎聯絡合作和活動,邀稿: Email: risako_ka@yahoo.com.hk Instagram: Tszyuchichi