【 安妮媽媽的懷孕日記 @ 入院物資 】 到孕期30週左右就要準備好入院的物資，姐係入院袋（走佬袋）。 經過第一胎的經驗，我會執定三個。 ***第一個係入院當天要帶的，輕便為主，因為孕後期一有作動徵兆就要快速入院，而入到院都有好多步驟程序，到落產房時更加需要執番好d野，拎埋個袋去產房，如果果刻仲可以有力自己行，孕媽媽係要自己拎住個入院袋的，所以輕便一些會好d。 個人物品及資料：（隨身帶住） 1. 孕婦身份証，配偶身份証明文件副本 2. 銀包、鎖鑰、八達通、電話 3. 產前檢查記錄卡 媽媽用品: 1. 產婦衛生巾1包 2. 孕婦網褲2條 3. 即棄大size的床墊2張 4. 安全鎖 5. 洗面面巾 6. 漱口水，牙刷，牙膏，漱口杯 7. 包裝紙巾，盒裝紙巾 8. 個人護膚品，記住帶保濕膏同潤唇膏，醫院實在太乾燥。 9. 頭梳，橡筋，小鏡子 10. 方便穿脱的家居拖鞋 11. 保溫水壺，可以隨時都飲到暖水 12. 零食，乾糧 （好重要，因為生產前後都會覺得好肚餓） 13. 充電器，醫院係唔會提供差電服務，所以好重要，一定要記得帶，仲要預多個後備的充電器請屋企人黎時替換。 14. 小量膠袋，用黎裝垃圾用 15. 口罩10個，預每日三個替換（因為疫情關係，一入院就一定要帶口罩，訓覺時都要，所以要預多小小替換） ***醫院會準備睡衣睡袍比媽媽，所以不用帶 BB用品: 尿片4片，生完姑娘會即刻幫BB著，所以要帶定幾片入院 ========================= ***第二個係生產完後請屋企人帶來醫院 媽媽用品: 1. 母乳防溢墊 3. 產婦衛生巾1包 5. 孕婦網褲 7. 授乳胸圍，內衣褲，襪子2對 9. 乳頭膏 11. 即棄床墊 13. 沖洗瓶（一定要帶，每次去完洗手間就要用來清洗下面） 14. 炒米茶 15. 耳機線 BB用品： 尿片，濕紙巾，尿疹膏，保濕膏，紗巾幾條（全部可用密實袋裝好） ***住院頭幾日BB的和尚袍，夾衣醫院會準備比BB，所以唔使帶BB衫入院 ========================= ***第三個係出院袋 可以係出院當天先叫屋企人帶黎。 媽媽出院衣服: 衫褲、外套、帽、頸巾 BB出院衣服： 和尚袍、夾衣、手套、腳套、帽、包被 （全部可用密實袋裝好） ========================= ***建議大家每樣物件唔需要準備太多，因為會令入院袋超重，可以有需要時再叫屋企人拎來。 但由於疫情關係，而家係取消左探病時間的，但家人都可以拎來俾護士轉交。 希望我的經驗可以幫到各位準媽媽啦！ ———————————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記