【親子小旅行】聖誕平價本地酒店住宿 天水圍嘉湖海逸酒店聖誕節推出《冬「逸」聖誕家庭樂住宿計劃》，優惠價$880起，酒店準備的節目非常豐富，真係超級抵玩呀！所以我地決定聖誕節去玩番兩日一夜！ ***Day 1 | 25/12 我地今次係入住酒店的第二期，所以搭輕鐵要係"銀座"站落車，如果住第一期就再下一個站先落會近些，兩個站都係一落車對面就係酒店，好方便！   嘉湖海逸酒店的大堂都相當寬闊，安妮媽媽做緊Check in手續時，Aidan可以同爸爸去欣賞聖誕樹。   酒店的早餐卷，遊戲卷和整蛋糕班的卷。 聖誕期間入住每個小朋友都有份小禮物，係零食，Aidan好開心。 酒店的豪華客房，地方都好大呀，一廳一房的設計，客廳的沙發是沙發床，有需要酒店職員會幫忙打開，仲有個小廚房。           景觀幾好，可以俾Aidan望到佢最愛的車車和輕鐵。     房間的落地玻璃窗咁好feel，當然唔好浪費，叫爸爸幫我地影幾張靚相啦。       影完相就出發去玩酒店安排的三項聖誕特備戶外活動，可以玩電動賽車，泡泡樂，彈跳天地。值得一讚的係，現場的工作人員好多都好有愛心和耐性，會全力協助小朋友們玩，家長會覺得好放心。               之後再去同一層的室外遊樂場玩，玩到無哂電就番房訓陣。 訓醒就去酒店的免費兒童遊戲室玩，地方唔太大，但都多野玩，有波波池，幾條滑梯，積木等。 **提一提大家，兒童遊戲室係需要密碼先可以進入的，要先去健身室登記。               晚上我地去酒店隔離個商場食晚飯。 Aidan訓左，爸爸就去Gym room和桑拿。 +++++++++++++++++++++++++++++++++++++++++++ ***Day 2 | 26/12 Boxing Day 一早起身就有禮物拆，幸福的小朋友^v^ 係酒店食個好豐富的自助早餐，就去兒童遊戲室再玩一陣。     我地book左11點半的「聖誕小廚神」蛋糕製作班，可以一齊整繽紛彩虹及獨角獸杯子蛋糕，係一個好好的體驗呢！                             兩日一夜淨係留係酒店唔使周圍去都好多野玩，食野又方便，好適合帶住大B小B的家庭呢！ ———————————————————————————— *豪華客房住宿一晚 *自助早餐2位成人及1位小童 *聖誕小禮物(一份) *「聖誕小廚神」繽紛彩虹及獨角獸杯子蛋糕製作班 (一堂) *三項聖誕特備戶外活動 (我是小車手、泡泡樂園及彈跳天地) *免費使用健身室、蒸氣浴、桑拿浴、小朋友天地及戶外遊樂場 *三人同行$880起 優惠適用於2019年12月21日至31日 預訂：2180 6688 電郵：rsvn.hprc@harbour-plaza.com —————————————————- 歡迎連絡安妮媽媽：annie_mama@yahoo.com.hk Facebook專頁： 安妮媽媽親子日記 IG: @Annie_mama_diary | 安妮媽媽親子日記