20191212 講左咁耐, 今日終於去咗屯門兆麟苑新落成嘅康文署體育館遊戲室玩, 其實棟體育館未起曬, 不過個兒童遊戲室就已經可以一早玩得 今日我地玩下午5點-5點25分個輪, 都要早少少去拎籌, 因為都滿曬人入去玩, 雖然係平日, 可能我哋又撞啱咗放學時間。 呢個遊戲室以太空為主題, 一般係牆上面嗰啲 玩具板一定有啦, 有啲太空船飛機搖下搖下嗰啲都一定有得玩啦, 畀bb 嗰啲軟墊上落樓梯 攀爬都一定實有。 而佢呢個遊戲室厲害之處就係有兩個瀡滑梯, 同埋有 繩網陣, 由一邊可以攀去另一邊嘅瀡滑梯 老老實實, 一輪先玩得5個字確實真係唔夠喉 另外最值得一讚既係呢個新嘅遊戲室 竟然喺入面就有洗手設施, 同埋有四格廁所 而有啲遊戲室bb車需要泊喺外面, 佢呢度可以泊埋入嚟遊戲室裏面 下次要再搵機會去玩兩節先夠喉 產品試用/活動邀請/其他合作 歡迎聯絡:tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamily