我2胎都係喺廣華醫院生產, 大女係過左預產期一日就入院催生, 因為醫生話佢有啲大驚過左1個星期會生唔出, 結果出世8磅半........ 到細仔一路都有去診所照超聲波, 一路mon住佢既生長, 到生前一個月去check 醫生度佢話有6磅, 咁就冇再照。到過左預產期3日見紅入院, check bb心跳 check左8個鐘話佢太活躍.....但已經肚餓到不得了XD 下午2點入院, 半夜12 點開始痛, 到朝早6點半醫生人手穿水, 7點就入產房, 心諗: 好野!!!!!!最後衝刺!!!!! 叫埋老公入黎, 用力生但明明個女同一力度仲大力啲都仲未出到個頭既? 然後醫生叫我比力比力再比力, 其實我已經好用力。 跟住就聽到姑娘叫人黎又話BB心跳開始跌, 然後話我既子宮迫左出黎................. 我老公一路捉實我隻手, 我未見過佢咁擔心既樣, 然後幾經辛苦出世勒!!!!!!!!!!!! 姑娘幫佢抹身, 磅重..........9.2磅!!!! 咩話?!! 我同老公都好驚...訝...然後醫生話佢太重要去兒科病房觀察?_? 第一次聽, 不過都好, 我可以訓下XD 21號上午7點36分生完, 我第2日22號12點半就出得院返屋企了*v* 雖然佢而加2歲, 但依個經歷諗返都好驚。 ☆出世2日♡