期待已久嘅經典宮崎駿動畫電影展覽「吉卜力之動畫世界」,終於嚟到香港啦!! 佢哋嘅動畫電影,相信大家都唔會陌生。 而我最鍾意就係睇《龍貓》,呢一套動畫電影。 當我知道8月就舉行,馬上趁住早鳥優惠訂咗飛等開場。 我哋經Trip.com買飛,買完之後馬上收到電郵,睇展覽當日只要出示相關之入場QR Code就可以入場。仲要記得,於官網進行預約時間哦~ 而展覽係位於九龍灣工廠區內,亦同MegaBox相當近。 入場位置喺係地下,待職員掃瞄好QR Code之後。 就進入大廈內搭升降機上1樓,再步行樓梯上2樓。 **所以,大會不建議推BB車進場, 我哋當日預約咗最早嘅時段,所以人流唔多。 唔需要排隊,就可以馬上入場。 行完2層樓梯,馬上進入展區啦~~ 吉卜力之動畫世界嘅展覽入面,仲有8大動畫電影經典場景俾大家影相打卡; 百變狸貓 魔女宅急便 哈爾移動城堡 飛天紅豬俠 幽靈公主 千與千尋 天空之城 龍貓 第一個景點就係《百變狸貓》,不過影相位置好迫,剛好夠2-3個人身位行過。 如果人流多的話,應該比較難影… ^ 《百變狸貓》入面嘅場景~ 然後,馬上去到《魔女宅急便》嘅場景,會見到棋棋喺麵包店入面。 再行前啲會見到,騎住掃把飛天嘅棋棋。 再往前走,就嚟到《哈爾移動城堡》故事場景了。 ^ 見到裝上機關會郁動嘅城堡 ^ 蘇菲婆婆同埋哈爾 睇完《哈爾移動城堡》嘅展區,又需要行樓梯前往一樓部份。 《飛天紅豬俠》 紅色嘅飛機,場景超迫真超震撼!! 當然唔少得主角呀~ 《幽靈公主》 呢塊幕會定時播片,仲會見到一班精靈。 ^ 主角幽靈公主與山犬 《千與千尋》 ^ 無面男 ^ 湯婆婆 必影經典場景位,與無面男一齊坐~ ^ 《天空之城》嘅經典場景有兩個 ^ 另一個場景 最後,嚟到我最愛嘅展區《龍貓》。 穿過草叢,就可以見到龍貓啦~ 從樹窿可以望到大大隻龍貓,喺到瞓覺~~ 仲有經典等貓巴士一幕~ 睇完《龍貓》就來到期間限定商品店了~ 場內有好多會場限定商品,部份仲設有限購~ ^ 會場限定商品清單 ^ 期間限定商品店必影靚位 ^ 會場限定商品 ^ 值得收藏嘅幻燈片 ^ 會場限定T Shirt 其他公仔、精品。 購物完畢~ 整體上我覺得見到場景啲係開心嘅,不過唔知係咪因為要保護展品關係,所有展品都係圍住咗 (除無面男坐車場景外)。 再加上場內較暗,又唔可以用閃光燈下,好多相一係爆光,一係個人好黑…比較難影到靚相呢。 < 票價 > 成人票 (16歲或以上) 優惠票 (全日制學生、4-15歲小童、殘疾人士、65歲或以上高齡人士) 家庭票 (2張成人票+1張小童票) 網上預售 現場購票 網上預售 現場購票 網上預售 現場購票 星期一至五 $168 $188 $118 $128 $360 $408 星期六、日及公眾假期 $208 $228 $148 $168 $450 $540 *三歲及以下小童可免費入場,須提供年齡證明 網上訂購83折起 https://www.ghiblihk.com/ 【吉卜力之動畫世界香港站@九龍灣】 展覽日期:2019年8月3日至11月3日 展覽時間:11am. - 10pm. 展覽地點:九龍九龍灣常悅道18號Portal 6311 https://www.facebook.com/ghiblihk/ https://www.ghiblihk.com/ -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。