上星期諾諾去咗髮型屋遊戲室玩啊，雖然諾諾剪頭髮一般嚟講好合作，但上次諾媽見髮型師同諾諾講：「唔好亂喐啊，一陣剪到你嫁！」諾媽同諾諾兩個都呆咗... 其實佢得兩歲幾，大人係唔應該咁同佢講，好可能會嚇親佢嫁...      所以今次就決定搵返間專業剪小朋友嘅髮型屋，諾諾遠處見到呢間髮型屋已經衝住去話要玩呢間 睇下諾諾已經完全投入遊戲狀態，重同老闆傾計 老闆亦係一位媽咪，好有耐性由得諾諾玩飽先；而諾媽就同老闆吹水閒聊。   結果剪個髮就剪咗90分鐘，諾諾玩得好滿足，阿媽我亦成功hea咗90分鐘。   諾媽意見：   幼兒剪髮唔係著重靚唔靚，而係安全性及小朋友對剪髮嘅感覺；幼兒對剪髮有好感，第時大個都會肯坐定定由你剪,相反如果剪髮曾經嚇親，咁以後每兩三個月都要打晒交爆喊咁去迫佢剪   呢間兒童髮型屋收費唔算貴，勝在有埋遊戲室玩，老闆又係女性，比較掌握到小朋友情緒。   店舖：元朗 cute cut 快剪樂園 位置：元朗 交通廣場內地下3號鋪 Tel: 3481 7038 <Facebook page>:諾諾遊記https://www.facebook.com/Noahgogogo/   <IG>: https://www.instagram.com/noahandmommy_/   <YouTube>: Noah gogogo 諾諾遊記   <Openrice>:Noahandmommy   歡迎產品試用/推廣/活動/試玩試食合作 email:babynoah686@gmail.com