之前一直病了很久,很久沒吃過雪糕了!近來終於好返哂,所以老公批淮我食雪糕!今晚就帶佢黎我一直想試試的HeSheEat! 食雪糕之前先正餐! 晚餐Menu中點了青胡椒牛柳粒燴闊麵,牛柳粒幾淋夠入味,闊麵又多汁!不過上菜時有些混亂,因為只得闊麵比漏左牛柳粒,之後先補返。 晚餐加$35就可配煙肉薯波配芝士。 這個小吃吃不停口,薯波很脆,芝士醬又YUMMY,不過眼見真係唔多煙肉粒。 本來想點All Day Breakfest,但店員話賣哂,有些失望呀! 於是在晚餐MENU中選了香煎雞胸黑松露意大利飯。 意大利飯比想像中淋,我喜歡那溫泉蛋,蛋黃混入飯好吃!雞胸肉幾嫩,但唔太入味,雞胸肉份量多,我吃唔哂咁多肉呀! 對我來說甜品才是主菜! 雲尼拿士多啤梨奶凍多驚喜!奶凍上面舖了一層蛋白脆脆,又有新鮮士多啤梨和士多啤梨醬,加上士多啤梨雪糕多重口感,奶凍唔太甜我覺得剛好,賣相又靚,可以影相打咭呃LIKE呀! 另外仲點左綠茶心太軟,配開心果碎和豆腐雪糕。 綠茶心太軟茶味濃,一切即流心,吃時暖暖地又帶茶的苦瀝味,喜歡綠茶乜乜乜的朋友應該會喜歡。另外豆腐雪糕好吃啊!很重豆腐味,一吃便吃得出,不太甜,清清地幾好! 最後餐茶加$15點了個Earl Grey 消消滯。 整體HeSheEat食品質素唔錯,甜品整得有心思而且比正餐好吃,我去旺角分店有2層坐得舒適,環境都靚嘅可以打打咭! 有少少失望係想食All Day賣哂,可能店員是新請的所以落單和上菜有少少混亂。 都可以有下次,因為想試鬆餅同食我食唔到嘅All Day! HeSheEat 旺角白布街22號藝興大廈地下4號舖 關於daidai & pipi: Daidai & pipi 的快樂魔法 博客: Blogspot . ohmykids . Oh!爸媽.MamiBuy Beauty Exchange . she.com . elle . WeShare . ubeauty MyBB Instagram:daidaipipi http://instagram.com/daidaipipi/ YouTube:daidai Joan https://www.youtube.com/user/yuijoan email: yuijoan@gmail.com