大家好，係度我好想分享下我懷孕到生產既心路歷程（懷孕編）長文 係2016年2月一個晚上我岩岩打完波，返去前叫左我先生幫我買支驗孕棒，點知一驗就中左????當然我地都想check清楚啲，我地第2朝就去左一間診所再double check，好開心，真係懷孕了。 頭3個月既懷孕我份外要小心，因為我本身年齡屬於係高齡產婦，而且間唔中有流啡既情況（真係嚇到鼻哥都冇肉呀），所以就去左一間中醫師開安胎藥比我，呢3個月早，午，晚都要飲呢個好難飲既安胎藥，但為左bb幾難飲我都要飲????，因為經常流啡關係變相我多左入院做陰超檢查，到3個月終於可以照到佢心跳個時我真係開心到想喊呀。 第4個月去照超聲波既時候既相 可以清楚咁睇到佢手臀仔添呀????醫生話佢好好動，照緊期間不停做掌上壓???? 懷孕呢段期間我胃口基本上冇變過，係食左藍莓同車厘子嘔過2次之外就冇嘔過了，到再大啲既時候去照結構，醫生叫我唔好再係咁食，因為bb屬於大b，到時生我會好辛苦（其實我真係同未有bb既食量係一樣，只係bb吸收晒），另外呢位醫生真係好好，check得非常清楚 以下係我臨新近生產個個月既照片 大到比人問我係唔係陀雙胞胎???? 好啦～係度講住咁多先????黎緊會繼續講我生產過程呢～