Bella媽我真係要反省一下唔好再咁宅， 平時足不出戶，搞到Bella玩少左好多野， 特別係運動、舒展筋骨嘅玩意， 幸好呢粒囡遺傳左爸爸嘅好動外向， 所以精力電量旺盛，好適合黎SuperPark玩。 大家可能未必知SuperPark係咩？ 其實佢係一個大型室內競技埸， 入面有多項運動比拼， 而且唔止小朋友可以玩， 就連大人都能參與， 一家大細去消磨一日， 絕對可以從遊戲及笑聲中享受親子樂。 今個復活節SuperPark更有全新芬蘭競技遊戲， 呢個項目就係「迷你運動競技賽 SuperEaster Race」喇。 SuperEaster Race可以由二至四人組隊參賽， 當日雖然Bella爸要返工無黎到， 但Bella都有朋友仔做拍檔， 玩法係參加隊伍要完成六項運動遊戲， 每完成一項遊戲都會有分數， 只要同分數合照，再mark低分數於計分卡上 ， 完成賽事後就有機會拎獎品喇 ! 未講有咩獎品之前，等我講下呢六款遊戲， 話你知係咪好容易拎分啦…… 第一個遊戲：投籃挑戰站（SUPERHOOP） 限時一分鐘內以投籃來取分， Bella同朋友仔雖然細小， 但亦有幫手主攻100分個藍，其餘就由媽媽負責， 不過好似兩個小朋友嘅命中率比媽媽還好， 雖然最後唔係高分，但兩位小朋友玩得好投入， BELLA更屢次犯規，大家唔好學佢呀~ 如果入齊遊戲內所有籃，更會有額外分數， 記得一家人分工合作呢。 第二個遊戲：彈珠足球場 (SUPERPINBALL) 限時一分鐘內用腳向分牌射波以取得最高分數， 當Bella玩呢個game嘅時候我覺得好好笑， 佢想踢時個波又碌走左，佢又去執返個波， 一時又超越白線要再黎過，積極度滿分， 而媽媽今次就幫手拎唔少分。 第三個遊戲：瘋狂勁舞台 (HOT STEPPER) 呢個Game完全係Bella至愛， 最近佢好鍾意玩踏步，呢個要跟住D閃燈去踏， 佢玩得不亦樂乎，但就太慢追唔切， 結果得一分，不過過程第一，分數其次。 第四個遊戲：攀石牆 (AUGMENTED CLIMBING WALL) 對於Bella黎講當然困難啦， 雖然平時佢喺屋企都係攀高能手， 但今次係邊攀邊拍蝙蝠仔取分， 要眼明手快之餘又要考驗體力， 媽媽今次就由佢地兩個試下玩， 最後佢地每人拎左一分，共兩分， 雖然失禮但佢地好有滿足感。 第五個遊戲：街頭籃球場 (STREET BASKETBALL) Bella你有無咁大想頭呀？ 拎住個波想射藍，有四個你咁高喎！ 一睇呢個運動就知你媽媽玩啦， 你地兩個小朋友負責傳下波就算喇， 好彩我地兩個媽媽都不失禮， 都係限時內入左七球。 第六個遊戲：保齡球 (SUPERBOWLING) 呢個遊戲最簡單，小朋友亦好適合玩， 推個波波入洞取分就得， 不過Bella未夠大力推唔遠， 成日都叫媽媽幫手~ 當中都有好多蝦碌趣事， 一家大細黎應該會歡樂爆燈， 而且場內有小食店， 攰嘅時候可以坐底抖抖補充體力再挑戰， 下次一定會叫埋爸爸黎參與， 而且Superapark入面仲有BABY GYM AREA嫁， 細D嘅小朋友都有野玩~ 如果想拎高D分數， 就要留意下呢隻SUPER EASTER BUNNY， 佢會喺場內突然出現， 見到佢記得一定要同佢自拍， 再upload到IG並Hashtag #superparkhk， 咁就可以額外拎多5000分！ 至於獎品呢都好豐富：1. 所有完成賽事嘅團隊可獲得After6門票，每二人可獲一張。 2. 當日每個時段最高得分者，可獲SuperPark 藍球或SuperPark足球乙個。 3. 於整個比賽活動期間最高得分嘅一位朋友，將可贏取終極大獎包括價值$1000嘅SuperPark滑板車一架及SuperParkHong Kong全年門票。 大家要留意返SuperEasterRace每日分為三節~ 時間為分別為： 09：00～12：30 13：30～17：00 18：00～20：30 ##想玩嘅話可以預先網上預訂門票：http://bit.ly/2Uxe7Bq 而家SuperPaek仲做緊【Easter2-10】半價門票優惠～ 凡SuperRewards會員以正價購買一張SuperPark一日門票， 即可以半價購買第2張以至第9張同日門票，每日名額有限， 先到先得。立即登記成為SuperRewards會員，費用全免! 如果係Bella媽粉絲，只要於FB公開share我呢個post: https://bit.ly/2K5u2T9 於入場時向SuperPark職員以手機展示「公開分享」畫面， 就可獲得SuperPark彈床防滑襪一對！ 事不疑遲，快D填滿你地嘅復活節假期啦。 SuperPark Hong Kong 芬蘭一站式室內活動樂園 營業時間：上午9時至晚上9時 地址：香港九龍海輝道18號 一號銀海地下 (鄰近奧海城) ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss
