經常話BB六個月大前唔需要飲水... BB 會從母乳或奶粉吸取到每日所需既水份... 額外俾水BB飲...會減低BB喝奶意慾... BB飲得少...自然會影響BB從母乳或奶粉當中吸收既營養...影響BB發展... 不過...開始加固...BB就需要飲水... 引進固體食物初期...唔夠水好容易會便秘... 星雨一直飲母乳...水真係未曾嘗過一口... 記得食米糊既第一日...就俾星雨一匙水清一清口... 隨住固體越食越多...水又飲得少... 便便開始唔太順暢...試過連續六日未有便便... 隔左幾日既便便係又臭又硬... 恕我失禮...做媽媽...對便便係會好留意... 順帶一提...如果幾日未去過便便... 盡量避免唔好食蘋果同菠菜...因為... 蘋果同菠菜鐵質豐富會令便便變得更硬...加重去便便困難... 去唔到便便...星雨食少少西梅就好快有得去... 星雨食既固體應該有足夠膳食纖維...加上一日有一餐水果... 相信係水分唔夠致令便便唔順暢...咁就要加水... 我試過用匙餵星雨飲...成功左頭三四日... 跟住星雨識得含住唔吞...靜靜咁讓水從咀角流出來... 既然有人靜靜起革命...媽媽只有硬食... 唯有...再試其他方法... 不過...遇上水痘發燒個幾日... 媽媽要強硬少少...用針筒幫手...逼星雨飲多兩啖水... 針筒飲水飲左一星期多...星雨見到針筒就怕怕... 水無味...個個BB一開始真係唔多願飲... 想要BB飲水真係要慢慢訓練...分享一下啦... 1) 我會煲下竹蔗水...蘋果水...雪梨水...粟米水俾星雨飲... 飲既份量係會比飲水多一倍...不過...煲既時候係唔需要落調味... 煲出來既水已經帶有少少甜味...BB一定肯飲... 2) 如果唔得閒煲...就會放一片蘋果或者檸檬落水...只要添上少少味就會肯飲... 添上少少味...BB係會飲...日後再調節水既份量...慢慢就會肯飲水... 3) 準備木瓜蓉同梨蓉俾星雨食...我會溝少少水稀釋... 一來木瓜蓉同梨蓉較為甜...可以稍為減淡下甜度... 二來變相飲多一兩啖水... 4) 煲下湯滾下湯俾星雨飲...一樣唔需要落調味... 星雨係好肯飲湯...會追住飲... 5) 每日俾星雨拎下水樽...玩下...再有意無意咁放飲管入星雨個咀等佢啜下... 飲得一啖得一啖...慢慢就會多... 7) 我飲水時...俾星雨同時飲水...我一啖星雨一啖... 小朋友喜歡模仿大人...慢慢就會習慣飲水... 8) 我會要星雨食野前食野後一定要飲啖水... 食前可以濕濕口...食後可以清清口...養成一個飲水習慣... 經過一段時間努力...星雨肯飲水啦... FACEBOOK 專頁 : https://www.facebook.com/mrmoon.renelee INSTAGRAM ~ MRMOONMOON 聯絡我 ~ bbg1668@yahoo.com.hk