米豬而家上晝多數都要返學, 放學同同學仔去公園玩吓, 返嚟食完晏又訓, 吼佢訓咗就用佢最鐘意ge零食紅莓乾整返個紅莓muffin比佢做下午茶~ 訓醒食就啱晒喇~   紅莓muffin video食譜在此~   材料: (可做5個直徑5cm杯仔muffin) 低筋麵粉 100g 泡打粉 5g 糖 50g 雞蛋 2隻 無鹽牛油 95g 鮮奶 1湯匙 紅莓乾 2-3湯匙     做法: 1. 牛油室溫放軟後切粒, 用打蛋器打發到淺色, 逐小加入糖打勻 2. 雞蛋預先打勻後, 分2-3次加入牛油 3. 加入一湯匙鮮奶, 撈勻 4. 分3次篩入麵粉+泡打粉, 每次篩完都攪勻, 同時預熱焗爐中火170度 5. 將紅莓乾加入麵糊, 撈勻 6. 將麵糊放入muffin杯, 每杯約7-8成滿 7. 中火170度焗25分鐘, 食得   1歲以上有良好咀嚼能力小寶寶就食得喇~   由於焗緊ge時候太香, 呢位小朋友係比原定午睡時間早咗半個鐘起身, 一起身就叫"食奶奶" 即係肚餓啦~~ OKOK~ 新鮮出爐喇~  風騷到你呢~~   記得聽日都要再整呀!    煮食小貼士: 1. 牛油放軟再打發, 會慳水慳力十倍 2. 雞蛋粉幾次加入牛油會容易d溝勻 3. 初初未溝粉時個樣會有d似失敗咗, 一舊舊唔勻咁, 但溝完粉就靚仔晒ga na~ 4. 因為麵糊焗0個陣會發脹, 所以千祈唔好不到個杯滿一滿呀, 如果唔係焗完出嚟就瀉晒ga na   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/