新年就快到喇~ 媽媽煮黃金餃子比我地一家食, 等大家新年都黃金滿屋呀~~~   材料: 雞蛋 5隻 免治豬肉 150g 粟米 半條 生粉 5茶匙   醃料: 低鹽豉油 1/4茶匙 糖 1茶匙 生粉 1茶匙   做法: 1. 生粉用1湯匙水浸住, 千祈唔好攪拌 2. 豬肉用醃料醃15分鐘 3. 粟米切粒, 同豬肉撈勻 4. 雞蛋打勻, 生粉倒咗d水之後撈落雞蛋, 再打勻 5. 豬肉粟米先炒至半熟後盛起備用 6. 平底鑊落油, 放上圓型模, 加2-3湯匙蛋液至舖滿模底 7. 其中半邊加入豬肉粟米碎, 拎起模, 將蛋皮對摺, 固定後盛起備用 8. 重覆6同7直至蛋液用完為止 9. 將所有黃金餃子回鑊, 加2湯匙水或雞湯, 加蓋細火煮3-4分鐘 食得喇~     我都知摺蛋蛋有D難, 所以拍咗片呀~ >>黃金餃子video食譜<<   煮食小貼士: 1. 濕咗ge生粉可以令蛋漿冇咁易爛, 但記住唔係溝生粉水呀~ 2. 其實全部料唔炒都可以ge, 不過驚青媽媽怕熟唔透, 梗係炒炒先啦~ 3. 最後回鑊炆好重要呀~! 因為d涵係未熟ga! 回鑊就係要炆到佢地熟晒 4. 我都失敗咗5次先成功摺到, 一take唔成功唔好傷心呀   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/