成為人妻後,農曆新年其實係一個破財既節日 :p 每次年尾都覺得自己慘慘豬...又要執屋、又要準備利是封、又要唱錢入利是... 不過,其實都開心既~除左結婚第一年係買利是封多,呢幾年我都係叫朋友仔用2隻貓貓去design利是封,之後拎去eprint印! 由於eprint要印300個以上先平,所以我都係隔年先要訂利是封~~ 今年我又叫朋友仔幫我設計! 由於設計唔係我強項,所以我都係交俾designer決定~~ 一見到已經心心眼!不過我老公話蠔豉妹妹張相唔靚... 之後換左相,我老公一秒俾手指公 :D 而第2個款就我話要紅色,淨2位貓主人~~ 除左由新年快樂改為團團圓圓外,都無野要再執~ 宜家就等緊eprint印埋就搞掂! 講真,一個靚既、有記念性既利是封,我真係會草,係一個回憶、一份心意。 有人會話派利是唔環保,其實都係,不過呢啲傳統野,都係一個儀式,一年一次,加上過左正月十五都有好多機構會幫手回收,所以都唔怕啦~ 如果真係要環保的話,我會直接俾$20/$50對方~又或者payme都得!:p 收到實物再同大家分享,不過可能係FB or IG share就算~~ Facebook : 80後的人妻「旅」友 & 蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com