其實想知道紅葉幾時會比較紅，可以留意漁農署網站，佢地入面有個大欖郊野公園楓香林紅葉指數，紅葉指數分為 A：極紅、B：開始紅、C：黃、D：綠，總共4個等級，漁農署網站嘅紅葉指數係逢星期五更新，目前最update的更新係至28/12/2018，指數係 B：開始紅。     大家都知道年尾又係欣賞紅葉的好季節！首要我地可以賞楓開心之餘，我地當然亦唔希望妨礙到大棠村民的日常生活啦，所以盡量選擇閒日比較人小時候去，元朗大棠相信係唔少人賞紅葉的勝地，我地揀閒日去，如果係有開車的閒日可以開到上到山腳的停車場泊好，再慢慢行上去。但如果紅葉季節的假日去，就唔可以開車上山啦。但公共交通其實都好方面，可以係元朗搭港鐵巴士 K66號，or 紅van都可以去到大棠山道巴士總站。      隨住呢排氣溫急降，相信大棠的楓葉林紅葉都已經開始轉紅，其實我地真係無特別刻意想捕捉紅葉全盛期，雖然未至於一片紅海的盛況，但我地都只係順住心意，想帶孖寶認識一下大自然唔如節氣的自然變化，又剛好佢地唔洗返學，唔洗擔心假日影響到大棠村民，可以係閒日比較人小時上山欣賞。         其實呢條路好輕型，由大棠山路路口的巴士站沿車路步行上山，只係需要around 1小時左右就可以行到去楓香林。3歲小朋友同好多老友記都好輕易就可以上山賞楓。至於孖寶對佢地來講，這應該係佢地行過最易行的一條路線，比起佢地之前行嘅呢條都好輕鬆。     大家有留意開我地都知道我地小之有小會去playroom等地，因為有時間都想比佢地多接觸大自然，欣賞造物主的一切，認識現實生活中真實的事物。所以佢地好多時都會自發地話想去郊外，想去行山，媽媽真係好欣賞佢地呢點。     行山的朋友可以留意一下，去到呢個閘口就係唔比一般無特別申請的車再入去，入到去行一陣就會見到呢個健身角，孖寶似乎好喜歡，係度來來回回咁玩。     呢個位置仲有洗手間，大家有需要都可以係度用埋洗手間先再上山，因為唔見之後再有洗手間啦。     之後再沿路慢慢行，跟住路標就好快可以欣賞到紅葉啦~     雖然當日的紅葉可能未必係最紅，亦有其他行山人士表示有點失望，唔似佢地預期，但對我地來講真係無咩所謂，當日天氣好好，而且只要可以一家人在一起，輕輕鬆鬆咁慢慢行下，睇下，同小朋友一齊傾下，了解下沿路的事物，又見到幾顆好靚的紅葉就已經很不錯啦~           希望大家都一樣喜歡，而同樣會愛護環境，自己垃圾自己帶走啊！     祝大家新年快樂 新一年事事順利!     我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com