今次這款食譜Bella媽非常滿意, 自己一邊煮亦忍不住一邊吃了好多件, 其實之前都做過類似的芝士魚腐, 但今次個配搭就再豐富點, 還特別加入黑芝麻粒, 所以出來的不論口感及味道都很特別, 豆腐與三文魚的比例可, 自行調至自己喜歡, 喜歡軟綿綿的可以放多些豆腐, 想啖啖肉就三文魚比例多些, 同時亦不知不覺加入多種蔬菜隱藏, 非常好食,小B同爸媽都一定鍾意。 《親子食譜:黑芝麻豆腐三文魚寶》 材料: 硬豆腐半磚 三文魚柳一片 紅蘿蔔一小截 粟米粒一湯匙 洋蔥一小角 西蘭花一朵 黑芝麻一湯匙 麵粉或粟粉一湯匙 做法: 1. 先把三文魚及豆腐放入blender打勻, 打之前要盡量保持食材乾身,不要水汪汪。 2. 再分別加入西蘭花、粟米、 紅蘿蔔及洋蔥,Blend至均勻。 3. 取出魚蓉,加入黑芝麻拌勻。 4. 再加入一湯匙粟粉拌勻。 5. 平底鑊加少許油, 預熱後把魚蓉一匙一匙分好放在鑊中, 調中慢火,煎至挺身後, 翻轉另一面,略壓平,再煎至成型即可。 三文魚寶可做小小尺寸, 大人可以一口一件, 小朋友又可以拎住食,做法容易, 而且亦是一道一口吃到多種食材的菜色。 ************************************* ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ Fb專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss