真係一山還有一山高,當我以為波波池+餐廳已經係黃金組合時,原來再新鮮的配合都仲有,今次誠意推介呢個「親子私房菜+理髮店+消防局主題遊戲區」,問你服未?! 集吃喝+玩樂+理髮於一身的「緣來有髮剪體驗店」,不單止以消防局為主題,小朋友可以在這裏玩個夠,大人就可以輕輕鬆鬆同班老友聚聚舊。 若果想上去剪個靚髮又帶住個小朋友怕麻煩,去「緣來有髮剪體驗店」又得。 如果冇帶小朋友,一班大人想搵個地方電個髮,食個私房菜又得。即使三個原素配合,一次過滿足你三個願望都仲得。 這個好地方就位於荔枝角的億利工廈,去到門外面見到Lego砌成的消防車頭,已經興奮起來。 見到張鋼柱,哥哥梗係要扮吓消防員去救人啦! 這店係由2名個小孩的爸媽細心打造, 由遊戲區到理髮區,甚至店內每個位置,都貼心的安排,專為一家大細而設計。 這裏設有儲物櫃,也有提供BB櫈同育嬰室! 一衝入店,小朋友即刻知規矩,除鞋入去玩! 遊戲區應有盡有,到處都是消防為主題的設備。 還有一部遊戲機,適合大人小朋友一齊玩。 玩到咁上下,小朋友都係時侯要去剪個髮。 講真的,平時功課默書考試一個接一個,真係連帶佢哋去剪個髮的時間都冇。(有共鳴請舉手) 這裏配套齊全,連洗頭的地方也真的有,即使大人都可以好安心去洗頭剪髮,讓小朋友在遊戲區慢慢玩。 芊芊都要來剪一剪! 理髮區放滿Lego遊戲,可以好放心小朋友坐定定去俾理髮師剪髮。 芊芊表示剪完個靚髮要幫佢影番張靚相。 剪完髮當然又番去繼續玩啦! 現場仲有好多不同服裝包括消防員衣服,可以讓小朋友穿上,十足十消防隊目。 哥哥整晚發現這個夾蛋機就最好玩。 芊芊期待哥哥可以幫佢夾到個小玩意。 哥哥當然不負眾望,幫芊芊夾到幾個扭蛋啦! 你睇芊芊幾開心! 然後到食物上枱啦!先來個頭盤炸雲吞。 細心的老闆還預備了個小小飯團工作坊俾小朋友邊玩邊食。 作父母的就最明白,小朋友都係識玩唔識食,所以預備這個小工作坊,等佢哋一定唔會餓親。 自己落足心機去整的,就一定係最好味! 細心老闆唔係剩係識得照顧小朋友喔!對大人都一樣咁貼心呀,預備了這些菊花玫瑰茶,好Fresh呀! 看見老闆下廚,真係忍唔住要去見識吓!嘩,咁大塊斧頭排真係好吸引喔! 煎起後真係見到都流哂口水! 然後繼續煮起各款美味的餸菜。 好豐富呀!真係一枱都係,而且仲好有派頭,如果請埋朋友嚟食真係一D都唔失禮。 又鮑魚,又鵝肝,真係...食啦,唔好講嘢啦! 就連盛載湯及食物的器皿都超萌。 老闆真係超有心思,就連裝汽水的都是一個滅火茼...老闆,你真的很厲害呀! 看呀!咁豐富,係咪冇介紹錯呢?! 飯後仲有甜品...好滿足呀! 老闆又來展現佢的心思啦!看著這個一層一層的配搭,小朋友都爭著要自己喜愛的味道。 Photo by Sony A7III FE 28mm F/2 想跟我去體驗其他活動,快D報名親子團,同埋留意專頁公佈詳情啦! http://goo.gl/forms/CNZMEPoMIWkouK8o2 呀劍評分: 10分 呀劍評語: 真係未遇過有這樣心思的一個老闆,由理髮店到遊戲區,再到私房菜,每一個遊戲、每一個角落、每一個味道,都出自老闆兩夫婦的無盡誠意。再者,私房菜的味道也超好味,價錢超值,所以一定是呀劍的爆分推介。 地址 九龍荔枝角長沙灣道883號億利工業中心9樓902室 預約電話(**必需預約**) Whatsapp: 6295 0918 收費 私房菜價格不同,請預約時商議。 (以上資料更新至文章當日) Facebook專頁: 呀劍萬帥 kimfamilytravel Blog網誌 : www.kimfamilytravel.com