我同米豬都打敗仗呀.... 咳到傻咗..... 米豬仲做埋鼻涕蟲添~!! 斷斷續續咗個幾月, 總叫好返dd, 起碼冇再半夜鼻塞塞醒, 食咗成個月西葯, 煲返d潤湯滋潤吓先~   印度椰子合掌瓜栗子湯 材料: 印度椰子 1個 粟米 1條 合掌瓜 1個 栗子 半磅 無花果 2粒 豬展 1個(我買咗$55)   做法:  1. 栗子+豬展落薑蒜跑活水後沖乾淨備用 2. 湯煲落大約3公升水, 煲滾 3. 印度椰子切條, 盡量切幼d 4. 粟米切件, 合掌瓜臨落煲先滾切成件, 水滾後將全部材料放入湯煲, 水滾煲15分鐘後轉細火煲2個鐘   開飯時間很忙冇影成品~ sorry~ 不過米豬會話比你聽究竟有幾好飲~  試咗一啖之後, 一見到杯湯即刻伸手去搶~ 開心到要跳起yeah~   煮食小貼士: 1. 因為我買已剥殼ge栗子, 賣菜姨姨話呢d係用機打, 所以都出一出水安全d~  2. 傷風感冒期間唔好飲湯 3. 乾燥天氣一個月飲1-2次呢個, 其他時間我教你煲其他湯~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/