12月真係一個超開心嘅月份，今個聖誕前夕我哋仲去咗香港海洋公園玩，嚟呢到朝聖!! 因為~~港人熟悉同埋原創卡通可愛嘅小豬「麥兜」嚟咗香港海洋公園呀!!!今年香港海洋公園嘅主題係「海洋公園聖誕全城HO HO HO」。而今次最觸目嘅，就係全港首個麥兜音樂劇場「麥兜。出走的魚蛋」。魚蛋弟弟同麥兜仲成為咗今年海洋公園聖誕最人氣嘅人物添呀～～成條老大街都有佢哋嘅攤位遊戲獎品！！樣樣都想搶返屋企呀！！  「麥兜。出走的魚蛋」音樂劇場「麥兜。出走的魚蛋」音樂劇場，每日只演四場，所以要留意場次同埋預定時間去排隊呀～ 同場仲有吳君如鬼馬聲演「麥太」一角，成個音樂劇場嘅內容都都風趣、幽默，大人細路都睇得超級開心呀！！和牛B同牛爸都睇得超級開心 每場大概30分鐘，呢30分鐘真係超開心，直情覺得唔夠喉好想再睇一次呀~~   完場後，仲可以同演員拍照留念~當日四場為: 11am. / 12:30pm. / 4:15pm. / 6:15pm.另有一場係智紛全年證嘅專屬場次: 2:15pm.**但確實場次，大家還是跟海洋公園為準吧~   打卡熱點。閃亮互動聖誕樹 今年香港海洋公園有棵40呎高嘅巨型聖誕樹，聖誕樹繞上LED螢幕絲帶，唔好以為無乜特別!! 其實佢係一棵「放閃聖誕樹」，只要將你嘅相片Upload到Instagram再加上Hashtag 「#opxmas2018」，大概一分鐘左右，相片就會顯示喺LED螢幕上面o架啦!! 而今次呢棵聖誕樹亦係「德國HiPP喜寶呈獻：閃亮互動聖誕樹」。 **Upload嘅同時記得留意要將帳戶設定為公開先會顯示到o架   睇完麥兜嘅音樂劇場之後，當然唔可以錯過麥兜同麥嘜嘅見面會啦~~ 麥兜同麥嘜會喺老大街嘅電車前面等大家同佢影相留念o架~當日見面會時間如下; **確實見面會時間，請依照海洋公園當天時間為準。而老大街除咗有麥兜同麥嘜嘅見面會之外，仲會有香港懷舊經典人物：馬姐、女殺手、筷子姊妹花等經典人物出現，同大家影相留念同埋玩~ 老大街仲有麥兜卡通公仔嘅影相位喺老大街見到包租婆呀~~和牛B好驚呀~老大街嘅攤位遊戲獎品超吸引，有麥兜、菇蒔、魚蛋弟弟~係咪好想要呢??呢隻係魚蛋弟弟珍寶獎~超大呀! 不過，和牛B嘅目標係細隻魚蛋弟弟。埋頭苦「掟」嘅和牛B得償所願我哋掟到一隻中獎嘅魚蛋弟弟俾和牛B。聖誕限定麥兜主題餐飲 成個海洋公園仲有超過30塊聖誕限定嘅麥兜主題美食，老大街仲有香脆嘅春田花花脆卜卜鹽酥雞粒、春田花花香辣辣小食拼盒等!!!   而我哋中午去咗「熊貓薈」食咗麥兜春田花花聖誕旅行便當 ($228)，呢個餐盒超豐富呀!! 入面有蝦肉薯仔沙律、醬燒三文魚、烚健康蔬菜、日本珍珠香苗白飯、牛油蛋糕以及配上麥兜冬日聖誕特飲 (士多啤梨奶昔)麥兜冬日聖誕特飲 (士多啤梨奶昔)味道好好，唔會太甜，所以我都好放心俾和牛B飲呀~唔係好大食，再抱住唔浪費嘅心態，另外點咗一份叉雞飯三個人食。剛剛好食得晒，唔浪費呀~   聖誕老人水晶屋 而聖誕節又點可能唔同聖誕它人見面呢?? 位於怡慶坊呢到，仲有聖誕老人水晶屋坐喺到等大家嚟同佢影相留念~   呢個亭不定時就會有芭蕾舞表演者企上去為大家為演~可能你去到會見有個人企定定唔郁，以為佢係雕像，但其實仍係一個活生生嘅人嚟o架~~佢會為大家作出不定時嘅表演o架~   場內近老大街旁仲有飄雪樂園，園內會不時灑出白色嘅泡泡，非常浪漫呀。香港海洋公園仲安排咗多個合唱團嚟表演「聖誕歡樂頌」，佢哋真係唱得好好聽呀。 聖誕節仲有部份聖誕商品，都好可愛呀~ 十二月份驚喜優惠：購智紛全年證或禮券可享六五折即日起至12月31日，可於海洋公園官方網站或郵寄購買3張或以上智紛全年證或禮券，即可享65折優惠，詳情請瀏覽海洋公園網站（www.oceanpark.com.hk）。 「海洋公園聖誕全城 HO HO HO」活動日期：2018年12月15日至2019年1月1日www.oceanpark.com.hk--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁Instagram: wagyubmami            --------------------------------------------------姊妹合作**Precious M accessories**利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。