又煮返d簡單野先~~ 粟米露筍牛肉飯   材料: 露筍BB 6-8條 粟米 半條 洋蔥 半個 牛肋肉粒 3湯匙   做法: 1. 洋蔥切碎, 露筍BB切粒, 粟米一半起蓉一半切粒, 牛肉同蒜粉醃10分鐘 2. 中小火爆香洋蔥 3. 開始透就落露筍BB 4. 炒一陣就撥埋一邊繼續兜, 驣出空間嚟煎香牛肉, 落1/4茶匙lemon pepper 5. 牛肉全部變晒色就落埋粟米+粟米蓉, 再加2湯匙水, 煮到杰杰地就食得喇~   開飯~ lego妹妹要陪食wo~ 幾鬼得戚呢隻米豬小朋友~ 日日食飯都咁乖就好了~~   讚吓先~ 米豬呢排係有乖到ge~~ 因為佢見我日日吸塵好似好好玩咁, 早排自己拎咗個地拖出嚟同我講"拖~~~~~~~~~" OKOK~ 我點會漏咗你0個份~ 等為娘御賜紙拖把一個比你~ 以後我吸塵你就跟住我後面補飛喇~   煮食小貼士: 1. 牛肉煎緊唔好係咁反佢, 如果唔係就得個熟字, 冇咁香ga na~ 每邊煎30零40秒就夠了~ 2. 露筍纖維好高, 啱晒小朋友食ga~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/