熱完又凍, 一凍就跌5-6度, 真係想攞命咩~!!! 上星期趁小雪, 就煲咗個淮山茨實栗子湯~~ 因為冬天要養腎呀~    材料: 粟米一條 淮山 6-8片 茨實 1湯匙 無花果 3粒 栗子 半磅 豬展+瘦肉 約8両 好金黃的栗子呀~~ 當造真好~   做法: 1. 湯煲落大約2公升水, 煲滾 2. 豬展+瘦肉切件後跑活水備用 3. 粟米切碌, 約1.5-2cm厚, 栗子洗乾淨, 淮山茨實無花果略沖水, 湯煲水滾後將全部材料放晒入去, 大火煲15分鐘, 轉小火煲2個鐘, 咩都唔駛落已經勁甜  煲完會有小小深色, 正常的~ 米豬試食時間: 其實佢又幾鐘意飲湯ge~~ 仲要有佢最愛ge粟米, 即刻奸仔樣咁拎住飲   煮食小貼士: 1. 記得跑活水係凍水落水, 差唔多滾就熄火拎起呀~ 2. 淮山唔好沖咁耐水 3. 栗子補氣益脾, 茨實益腎, 淮山健脾, 3類加埋秋冬一齊飲就可以健脾補腎又潤肺喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/