是咁的，其實媽媽湊小朋友時總會遇到啲無可避免嘅意外， 而我今次所遇上嘅意外叫「爆芒」！ 果真係「一失足成千古恨」，部手機唔覺意俾小朋友「郁一郁、撞一撞」咁就爆咗芒。   老老豆豆，其實部電話係爸爸今年生日送俾我嘅生日禮物來架。 爸爸知我會成日同小JM影相同拍片，所以就打算送部新型號嘅Android手機俾我。 點知而家俾小JM一個唔覺意攪到爆芒，就唯有換一部平平地又性價比高嘅Android手機來用係啦！   搵咗一排終於俾我揾到一部性價比高嘅Android手機 - vivo V11！ vivo係中國手機品牌，成日睇好多中國綜藝節目都見到佢有贊助，vivo亦係今年俄羅斯世界盃指定手機品牌，所以你都咪話唔野少！   先來睇下V11開箱係點架啦！     包裝及外殼： V11 嘅包裝盒內有分別有原裝保護套、伸縮式三腳充電器、MircoUSB 線、3.5mm 耳機及說明書。 當然，唔少得呢部顏色一絕嘅手機啦！ V11 嘅外殼以黑藍兩色融合而成，變化成「星空色」（即係黑藍漸變），顏色非常吸晴！ 呢部機嘅屏幕用咗19:59比例嘅6.41吋Super AMOLED水滴屏，令成個屏幕望落更大、視野更廣，無論係上網、睇片定煲劇都一樣咁正。 而且vivo廠商仲好細心咁預先將保護貼咗係屏幕，真係好啱我呢類「手殘媽媽」，唔駛下下貼保護貼到天昏地暗。     vivo V11手機特點： 除咗外型吸引之餘，其實V11鏡頭嘅質素絕對足以同單反相機媲美，所以好啱我平時用來同小JM影相、拍片用添架！ V11嘅前置鏡頭有2500萬像素，而主鏡頭（後置鏡頭）又有 1200萬像素Dual Pixel （2400萬感光單元）+ 500萬像素雙鏡頭，所以影相當然一絕，就連自拍都一樣咁出色！   V11前置鏡頭更設有美顏及逆光模式，即使係自拍都一樣可以影得好清晰細緻，係同類型手機較為少見。 而後置AI雙鏡頭，仲有逆光模式及人像散景，可以先影相後對焦，影出來嘅相足以媲美單反相機。   ^V11 與一般手機比較相片 V11除咗影相靚又拍得住相機之餘，仲可以設定相片嘅「時間浮水印」添， 對於平時要逐張相慢慢執水印嘅媽媽來講，實在係快捷又方便，而且仲慳返唔少功夫添！   買手機除咗要有靚芒、靚鏡頭之外，其實安全性亦都好重要。 萬一真係一個唔該跌咗電話都唔怕咁易俾人知道晒手機入面嘅資料先嘛！ 所以V11嘅屏幕指紋解鎖功能真係好幫到手，而且仲好用科技感，夠晒型！只要拎起部V11就會自動亮屏，放手指按係屏幕上嘅指紋感應位置就即刻解到鎖，又型又方便。 最重要係單手可以解鎖開機呀嘛！ ^面部解鎖功能亦有！   唔單止咁，其實V11嘅雙引擎快速充電亦係賣點之一，啱晒我呢啲成日拍片影相嘅媽媽。 由0-100%充電只需要一個鐘頭多啲，充電快啲又可以慳返啲時間，仲唔駛擔心要邊拍片邊拎住個「奶媽」咁麻煩添！   之前未用過vivo嘅手機，今次呢部V11真係好有驚喜，外形靚之餘，最重要係影相功能好實用，唔洗特別技巧都可以影到靚相！同埋V11性價比好高，3千幾蚊有部影相咁靚嘅手機真係非常好，可以同小JM影多D靚相啦～！