呢排唔知係咪轉天氣呢, 米豬胃口成日都麻麻地咁, 蒸炒又煮到悶悶地, 今日就整個菠菜肉鬆煎蛋餅比你做餸啦~ 一碟過有齊纖維, 鐵質同蛋白質, 啱晒你隻馬騮仔~!!   材料: 菠菜苖 4-5棵 免治豬肉 2湯匙 蛋 1隻   做法: 1. 菠菜洗乾淨後去蔕切碎 2 免治豬肉用小小蒜粉同生粉 (夾埋 1 茶匙) 略醃, 之後炒熟 3. 再落埋菠菜一齊炒   4. 同時間打勻雞蛋一隻 5. 當肉鬆同菠菜熟晒時, 就倒落打咗蛋ge碗度, 拌勻 6. 平底鑊中小火, 落半茶匙油, 浪勻成個鑊, 手放上面近鑊邊位置feel到慶, 就可以倒晒成個蛋漿落去喇 7. 盡量將邊邊位d蛋撥返去中間 8. 見到邊位d蛋開始熟, 就可以反轉佢喇 9. 因為本身肉鬆同菠菜已經全熟, 所以煎蛋時間唔需要太長, 大約3分鐘已經可以上碟喇   米豬試食時間~ 同平時唔同呀~ 今次係飯+餸, 唔係飯撈餸呀~~~ 今日比枝叉叉你拮啦~ 係媽媽私伙餐具, 新幹線火車啊~~ (由於有新野用, 係極度合作不停咁自己餵) 幾招積~~~ 似乎幾鐘意咁啊~ 好快就食晒d蛋餅喇~ 仲索性落手食tim~  你肯乖乖地食飯, 我唯有又諗多d新花款比你啦~ 大帝米~!   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/