見到咁樣都開心晒啦~~~~ 點解影永遠最討厭~~影得最唔自然既証件相都可以影到咁正???咁爽?? 可能因為係相舖定係studio既關係 相舖又多工務…地方又唔會太寬敞..所以都係影3,5張咁 令到愈想影得好時就愈大壓力 唔好話小朋友…連大人都會影得好生硬唔似自己平時個樣啦 何況仲要係有性格有脾氣有mood既小朋友呢???? 不過依到真係幾好~~~~ 好在姐姐好鬼nice同小朋友玩到癲晒 好在攝影師哥哥好似唔會手軟咁狂影 好在執相哥哥一直standby邊影邊揀相 3人組合既流程配合得好好 環境好新而且好乾淨~~~依樣好重要呀~~ 因為小朋友丫嘛~~~相信都係3人組都係爸爸媽媽 好明白爸爸媽媽需要什麼 所以安排得唔錯~~~大眼B係平日既夜晚去影嫁 因為要夾埋大眼媽放工趕去所以係最後一個Booking 佢地預既Booking時間都預得幾好~~~係預左buffer比大家 唔會係10個煲6個蓋咁要人等等等 我地早左dd到…上一個小朋友已經係影完揀晒相仲係到玩緊添 但姐姐好好人呀~~唔會因為有新黎既客人就唔理影完既客人 仲陪小朋友玩左一陣 當然見到有野玩大眼B都玩埋一份啦 玩下warm up下好(雖然大眼B係唔洗warm up類既BB) 不過大眼媽揀Studio黎影…一來想靚dd啦d相(這個是當然的事實嘛~~~~) 其實最想係玩樂~~回憶~~享受~~~~ 大眼媽成日都覺得成果就係成果…要好d既成果比多少少錢就有啦 但過程回憶係同錢既掛勾未未未未未必成一正比的 有heart先有正比!!!!! 今次冇揀錯~~~~~因為連大眼媽都冇心機時…..姐姐哥哥仲不斷玩不斷影 10個厲害~~~~大眼媽最初係睇住影…睇住笑… 睇睇下大眼媽已周圍盪…坐下…行下~~~ 空間大都幾free~~~唔會覺得人阻我..又唔會覺自己阻到人 由得大眼B玩樂都唔錯~~~~突然有3個褓姆係正既XDXDXD WOOO~~~~可以扮靚靚呀~~~ 真係多選擇~~~ 都未開始大眼B就已經周圍盪~~~ 好似等緊玩咁 開始了~~~~姐姐好有心機呀~~~拎定好多玩具 件件玩具都玩到大眼B哈哈大笑 我未睇相前仲諗……會唔會笑得太誇張冇一張用得呢 姐姐哥哥係咁讚大眼B乖話佢好合作好聽話又狂笑好易影~~~ 其實大眼B冇乜壞情緒…反而係要控制佢唔好太癲太開心 無數「塞打」既聲…….心諗…要影咁多???? 定係咁多都唔得????定張張都笑到太大個口???XDXD 不過大眼爸媽好enjoy有人陪到大眼B玩得咁開心 本來我地booking時只係join最平既plan 但佢地既service同效果……係我地連相都未睇時….開口問…可唔可以轉plan嫁??? 雖然未睇相既成果….但接近35分鐘既過程….真係覺得大眼B好開心 我地想買低大眼B既歡樂給我地自己一個美好回憶 影完了~~~去揀相了~~~真係冇估錯~~真係好正~~好自然既大笑XDXD 連執相哥哥都話自己邊睇邊笑….仲心中已揀起左好多靚相比我地再focus d 確實我自己都邊睇邊笑~~~而且都影左近80張相之多 80張…唔會有可能揀唔到囉~~~ 最終我地揀左以下依2款 而且有埋証件相同2R相~~~ 突然地大個仔左呀!!!!!!!!!!!!!!!! 要影學生相既小朋友快D去影喇~~ 都幾Full Booking嫁~~~同埋價格都已經調整過 記住問清楚價格呀~~~~ 依加有左MTR既黃埔站都方便左好多 係黃埔既B出口~~~拖埋大眼B龜速咁行大概8-10分鐘就到 沿途仲有好多街邊檔~~小店食品~~同有一個路中心小廟宇都幾得意嫁 有興趣可自己再SERCH下~因為影果刻係2017年既事了~ 相隔左年幾~唔知仲有冇做~同埋價格應該不同了!!!