整完清淡鮮甜既無水卜卜蜆煲後翻尋味 再黎一個無水海鮮啦~~~~無水酸辣烏頭 檸檬、辣椒、香茅依3寶煮魚同整汁都要用到 醬汁: 檸檬 蜜糖 香茅 辣椒 黑椒 小黃茄蓉 以上份量好隨意視乎個人口味 我就用左1/4個檸檬汁加2隻切碎既辣椒再加切碎香芽壓一壓迫D味出黎 再加上10粒小黃茄蓉(用2湯匙做汁其餘用黎煮魚） 試試味後就可加番相應既蜜糖同黑椒吊味 整完個汁可以雪一雪既~~酸辣凍好岩夏天醒醒胃 菇菇同小黃茄洗淨待用 烏頭洗淨去鱗去內臟印乾水份表面灑少少鹽 Warm機後落蒜蓉爆炒 加香茅同辣椒快炒 兩者事前都用刀界幾下+幾下+幾下XDXD 等佢可以易D出到味 再落埋菇菇炒至軟身 落埋小黃茄就完成8成了 倒埋先前打蓉左既小黃茄後快兜 加半個檸檬汁 再加鹽, 試試味~~~ 試過味OK後就可以放烏頭落鍋喇 落鍋後轉Med火加蓋5分鐘 之後再加蜆,推到Med與Hi之間加蓋煮3分鐘 成事了~~~~ 放埋辣椒同檸檬扮靚靚再落少少黑椒點睛~~攪掂~!!!! 依個界乎湯與汁之間既東東太爽喇~~~ 我用左黎撈米粉~~好正呀!!好鮮味~~~