留住。白菜 材料: (大概20隻既份量) 高筋麵粉 200g 溫水 100g 白菜仔 8 棵 黑木耳12片 免治豬肉 15蚊 生抽 4個西湯匙 橄欖油 1個西湯匙 各類香料適量 食用色素 (或菜葉汁) 高筋粉用溫水慢慢開溶攪拌成麵團 將麵團一開二, 一份白色, 另一份加入色素做綠色 (其實大眼媽太懶了~~~因為放工買完野返到黎開始整已係7點半了) (所以做左加色素既簡易版, 其實可以用白菜仔最深色既葉放入攪拌機打汁) (再過篩隔渣留汁, 扣起原先麵粉中既100g黎搓成綠色) 兩份麵團搓成後閒置30分鐘 依個時候就可以做餡料了 白菜好多沙嫁…所以最早乜都未做時第一時間浸浸浸 攪得個麵粉黎都半個鐘了~~繼續由佢浸~~再攪埋個肉先 個肉呢落晒d調味又由佢醃 距離煮得既時間相信有一個鐘多d 夠入味了 (依個時候係咪好驚呢….整咁耐????) (係….確實整左好耐~~~我由7半開始, 整到11點先整完) (可能再整會好好多了~~今次盲摸摸咁邊試邊整) 好喇~~~d菜同木耳乾水後切碎 再撈埋落已調好味既豬肉到攪拌 大眼媽只買左免治豬肉~~~如果有時間可以自己刴的 不過就係大眼媽最冇既野喇~~~如果自己刴既秘訣係「幼切粗刴」 將舊肉切絲, 有咁幼切到咁幼, 然後就輕輕鬆鬆隨意粗刴就可成免治了 唔洗刴咁耐就唔洗手瓜起展啦XDXDXD 再由佢擺擺擺下先啦~~~~依刻夠鐘可叫醒d麵團喇 將麵團搓成上圖咁樣 埋口再搓成條狀 可以切了~~~頭尾都不要…因太細了 再將切好既麵團壓平成一片片餃子皮就成功了 記緊要加d麵粉係每片之間, 否則耐左就有濕氣黏實左, 塊皮就唔要得嫁喇 好喇~~~可以開始包餃子喇 (依加先戲玉….已經腰酸背痛了XD) 同普通包餃子方法冇分別 變成一棵棵白菜了~~~~~~ 真白菜好似變左做異種咁XDXDXD 大火水滾蒸12分鐘就食得了~~~