最近小JM媽因為病咗,所以無咩動力煮飯。 頂多只係去買餸等爸爸放工返來煮。 病人口淡淡就比較「嘴饞」,所以我決定向爸爸廚房點菜。 因為有免油健炸寶,可以輕鬆炸嘢之餘又唔浪費食油, 所以我決定貪心啲向爸爸落單,揀咗醒胃嘅甜酸排骨! 甜酸排骨 材料: 排骨 洋蔥 青椒 菠蘿 蛋 醬汁: 水 糖 白醋 蕃茄醬 做法: 1.) 先將排骨洗淨再加入醃料調味,備用。 2.) 將洋蔥、青椒、菠蘿洗淨,並切成合適大小,備用。 3.) 預先打勻蛋液,及預備生粉。 先將排骨粘上蛋液,粘滿後即可放到生粉堆中 4.) 粘滿生粉即可放到爐中預備。 5.) 以200度炸20分鐘,即可取出備用。 如果排骨太厚可以多炸3~5分鐘。 6.) 將蕃茄醬、糖、白醋、水混合並攪勻,備用。 *可按個人喜好加減調味份量喔!* 7.) 先將洋蔥落鑊炒香,再加入青椒及菠蘿。 8.) 加入預先調較好嘅醬汁再炒 9.) 最後加入排骨快炒即可起鑊上碟! 爸爸今次都煮得唔錯,就連小JM都啱食! 賣相亦不錯喔!