米豬返學喇~~ 返學0個2日lunch都有點趕急~ 所以lunch都盡量簡單快捷~~~ 呢個意粉可以之前一晚準備好晒d材料, 放學返嚟開爐炒炒煮煮就搞掂~ 20分鐘食得喇~   今次仲拍咗成個製作過程~ 變成video~ 你地跟住video煮都得ga~~ 去片~ one pot白汁露筍動物粉   材料: 洋蔥 1/3個 三文魚扒 1件 露筍 6-8條 蒜頭 1瓣 鮮奶 3湯匙 動物粉 2/3碗 麵粉 1湯匙 水 適量   調味: 蒜粉 約1茶匙 lemon pepper 約半茶匙   做法: 1. 三文魚扒挑骨去皮後切粒 2. 蒜頭切碎, 洋蔥及露筍切粒 3. 三文魚扒用蒜粉醃5-10分鐘 4. 中小火起鑊, 先落蒜頭同洋蔥爆香, 洋蔥開始透就落露筍 5. 炒到露筍開始變暗綠色之後, 就落埋三文魚粒 6. 三文魚粒變晒色後, 落麵粉快炒 7. 炒到唔見晒麵粉, 落奶炒勻 8. 開始杰身可以落動物粉, 撈勻後加水至啱啱到粉面, 轉細火冚蓋煮8分鐘 9. 煮好後落lemon pepper再炒一炒, 熄火食得~     米豬食得好開心啊~~   不枉媽媽一擔心機煮比你食~~   煮食小貼士: 1. 三文魚扒可以去超級市場買日式三文魚扒, 佢係斜切一件件0個d, 唔係圓碌碌中間有大骨0個d, 記住記住記住要起骨, 不過都幾易起到~~ 只要手向皮0個邊用小小力壓住掃就摸到d骨响邊, 如果真係唔多相信自己刀功ge話, 可以買三文魚刺身ge (不過貴好多咁囉...) 2. 露筍揀翠綠d就爽口d, 冇咁多渣, 小朋友食得開心~ 3. 煮粉時間其實因應返包裝指引再加1分鐘, 米豬呢包粉粉suggest 7分鐘, 煮多1分鐘就入味d~ 而且one pot pasta 用水小, 所以煮耐1分鐘可以吸多d水份入粉粉度, 唔會太靭   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/