小JM係個小吃貨，呢一點相信大家都已經知道。 而爸爸就覺得呢個小吃貨係遺傳自我~!   今晚小JM同爸爸一齊睇波，仲話要食宵夜， 差啲就俾呢兩父女考起，好彩屋企都有啲糧食儲備， 唔係就真係「巧婦難為無米炊」啦！   好彩醒目嘅媽媽預早醃咗啲雞翼， 所以我決定用之前買嘅柚子茶漬物來整雞翼！   材料： A.) 雞翼 柚子茶漬物   B.) 雞翼 紫洋蔥 蜜糖   柚子雞翼 做法：   1.) 先將雞翼洗淨及調味，備用 2.) 將柚子茶漬物加入雞翼中攪拌及醃制 3.) 將已醃好嘅雞翼平放於免油健炸寶 　 記得要加埋柚子茶漬物喔!   4.)  以160度烤焗20分鐘 5.) 加完蜜糖後再以160度烤焗5分鐘，即成   洋蔥蜜味雞翼 做法： 1.) 先將雞翼洗淨及調味，備用 2.) 將紫洋蔥切成兩半 　 一半切成小粒加入雞翼中醃制 3.) 將紫洋蔥切成片狀並銷於免油健炸寶嘅底 　  4.) 將已醃好嘅雞翼平放於紫洋蔥之上， 　 再將紫洋蔥碎鋪於雞翼表面 5.) 以160度烤焗20分鐘 　 打開爐再於雞翼表面塗上蜜糖 　 *可按個人喜好而加多或減少蜜糖*   6.) 加完蜜糖後再以160度烤焗5分鐘，即成   洋蔥已經煮淋變軟，亦頓時變成伴飯好物之一！ 最正係雞翼表面夠乾身，但內裏仲好鮮嫩！