早前小JM家族一行七大兩小去咗泰國嘅芭提亞享受家庭旅行，同行除咗有兩位小妮子之外仲有三大長老添， 所以我地今次絕對係「泰HEA之旅」！ 出發前小JM爸已經計劃好要帶小JM及長老們去水上樂園玩水，而且小JM爸仲格價成功訂到至抵價門票添！ VIDEO: 小簡介： 卡通頻道水上樂園係芭堤雅市內有名嘅水上樂園，佔地約14公頃，而且仲係全球首座以卡通角色為主題嘅水上樂園添！真係啱晒一家大細一齊去玩呀！ Cartoon Network一共分為十個不同主題區域，分別由「兒童樂園 Cartoonival」、「冒險樂園Adventure」、「宇宙最強區 Omniverse」、「巨浪池Mega_Wave」、「激流險灘 Riptide_Rapids」、「衝浪區 Surf_Arena」及數個美食點組成；園區內有18條刺激又好玩嘅滑水梯及多達150款水戰遊戲添架。 小提示： *自行預訂門票，會比即場購票較優惠一啲 *小童票： 3至12歲 (2歲及以下小童免票) *長者票： 65歲以上 *場內設有Locker及毛巾租用處可供租用，但需繳付按金 全日門票價格一覽：（附鏈結） 官網*： 大人(1,290 THB) HKD$339@ / 小童及長者(990 THB) HKD$260@ *官網價格包含小項： 大人包括Free Meal Set 及 Locker；小童包括Free Meal Set KLOOK： 大人HKD$183@ / 小童及長者HKD$154@ KKDAY： 大人HKD$277@ / 小童及長者HKD$236@ 明星旅遊： 大人HKD$180@ / 小童及長者HKD$160@ Hope Trip： 大人HKD$238@ / 小童及長者HKD$189@ *P.S. 格價每日都會變動，想買平飛就要留意囉！* 除咗門票之外，KLOOK原來仲可以提供埋以下嘅園內服務添架，一剔過BOOK晒就當然最方便： (訂購鏈結) － 儲物櫃租賃 － 往返接送 － 美食券（THB500） － SPA － 帳篷屋租賃 我地今次係自己用APPS BOOK車去Cartoon Network嘅，車程大約半個鐘左右，尚算快捷，而且用APPS BOOK車比較省時同靈活。 抵達Cartoon Network之後爸爸就憑電郵去櫃檯換領入場手帶! P.S.因為小JM未夠三歲所以係免費入場喔！～ 趁爸爸排隊換手帶嘅時候，不妨到旁邊嘅卡通公仔人像區度影相喔～ 戴好手帶就可以進場囉！ 不過進場前最好留意返安全指引，以確保玩得安全又放心。 一甫進場，隨即就會見到一個紀念品售賣館，不論進場及離開都需要經過，所以大家唔駛心急，先睇咗揀啱，離開前先買都買紀念品都仲得。 我地就幫小JM買左對拖鞋仔，同埋咗少少紀念品俾朋友仔。 一離開紀念品售賣館，我地就遇上We Bare Bears嘅三位得意可愛又攪鬼嘅主角。 小JM同爸爸仲同三位主角打招呼同自拍添。 同We Bare Bears玩完一輪後，我都完全被水上樂園嘅設施所吸引，所以大家都決定要快快去換衫玩水！ 呢度嘅更衣室都算大，所以輪候時間唔算長。更衣室連接住儲物室，方便儲存隨身物件。 同時亦可以係呢度租借大毛巾添，唔駛擔心帶漏咗無得用^^ (*價錢可以參考附圖*) 事不宜遲，不如一齊睇下有咩好玩設施啦！ 兒童樂園 Cartoonival 呢個區域係特別為小朋友而設，滑水道嘅難道亦相對較低，而且大多以管道滑水梯為主。 除咗玩水及滑水梯之外，呢度嘅池邊仲會不定時噴大量嘅泡泡出來添，影相一流！ 唔單止咁，呢度仲有兩個儲水嘅大水桶，當裝滿水時儲好嘅水就會傾瀉而下，睇到都好過癮。 如果小朋友玩水玩到攰想休息，亦可以係後方嘅舞台位置附近或餐廳休息。 舞台仲會定時定候有卡通人物出來載歌載舞添架！ 講到好玩其實園內嘅設施真係多到玩唔完， 但最攰就莫過於要拎住裝備來來回回呢個高樓。 記得唔好拎錯配備呀！ 不如一齊睇下我地小JM家嘅推薦啦！ Humunga Water Slide 好玩指數：***** 係一個小JM馬非常鍾意嘅滑水道之一，無他嘅，因為夠快又夠高嘛～ 不過陪玩嘅小JM媽就真係怕怕，因為體重關係總係會被推到頂點， 次次玩都硬係覺得會被飛出去～LOL Intergalactic Races 好玩指數：***(3.5) 係一條四行並排嘅滑水道，啱晒同朋友們一齊玩，又可以睇下邊個最快！ 我同小JM爸都有玩架，原來唔係體重高就一定快架！ 不過呢就好易飲到水同彈水入眼啦呢個遊戲。 小JM媽我「被」人踢落去個下都咪話唔驚～又斜又高， 仲要唔知哥哥仔想幾時推我落去！ THE OMNITRIX 好玩指數：***** 從頂層坐水泡慢慢進入密封管道及於球體內迴轉， 最後仲要被大水柱淋濕，過程緊張又刺激。 但緊記玩之餘都要注意安全，跟住工作人員指示喔！ 巨浪池 Mega Wave 好玩指數：***(3.5) 人造浪池都唔講得笑，啲浪都真係幾澎湃！ 未有浪時呢位小妮子好享受好自在咁行同玩， 大浪起時就怕怕了～ 除咗以上介紹嘅，我地仲玩咗以下幾項，但可惜無影到相同大家分享： ALIEN ATTACK 好玩指數：**** GOOP LOOP 好玩指數：**** 小JM爸爭札咗好耐結果都係玩咗！ 企係直立式滑道一直往下滑的確需要勇氣！ （爸爸怨我無影到佢「英姿」喔～！） XLR8-TOR 聽到好多遊客話好玩，但會摩擦到PAT PAT痛同整爛褲 但堅係做到水花四淺嘅效果！ 激流險灘 Riptide Rapids 好玩指數：** 呢個唔太啱我地玩，因為唔夠刺激！ 對小JM而言又太長時間，所以我地最後都無玩。 衝浪區 Surf Arena 除咗一眾刺激好玩嘅滑水梯之外，園內仲設有滑浪區。 亦係場內熱門設施之一，而且又有專業教練教導添。 可以俾初學者一嘗滑浪滋味，亦可以俾高手在場大顯身手。 其實場區內仲有各式嘅設施可以俾小朋友玩，例如嬉水區、彈床及足球區等。 ^嬉水區 ^彈床 ^足球區 玩到攰仲可以係園內嘅幾間餐廳食嘢休息 而我地就揀食FOODVILLE 及 FOOD ZONE。 呢度比較類似FOOD COURT，可以一次過試到唔同嘅美食。 但有樣嘢要留意，係買嘢食之前要記得先去票務中心、園內零售商店、遊客中心或Foodville櫃位增值「入錢儲值」先喔！ FOOD ZONE仲有提供輕便小食添架，我地都試咗食雞肉腸，都唔錯！ 係FOODVILLE亦算多選擇，而我地就叫咗以下幾樣， 分別有PIZZA、飯仲有粉，務求揾到一樣係啱小JM口味嘅！ 食物其實都有一定水準，連小JM都肯開金口！ 而飲品方便我同小JM就揀咗水，因為個樽真係好靚呀！ Cartoon Network卡通頻道水上樂園 地址：888 moo 8, Najomtien, Sattahip, Chonburi, Thailand 開放時間：10:00AM ~ 7:00PM 官方網站：https://www.cartoonnetworkamazone.com/
