上次咪話颱風-山竹黎既時候,我地一早就已經買定餸係屋企煮~不過作為一個平日唔多想郁既懶煮婦,我要發揮一個懶到出汁既個性!爐都唔開去完成一個餸~ 咁啱屋企買落好多醬料包~我就求其拎起呢包再加冰鮮蝦出黎! 冰鮮蝦一盒(大概有10-12隻) 干燒明蝦醬一包 首要,洗一洗啲蝦同挑左蝦腸~ 之後醃大概5分鐘就ok~ 就係呢5分鐘既時間,就先用個免油炸寶200度預熱5分鐘! 無錯,又係呢個美的免油炸寶MF20B :p 工人姐姐宜家整雞翼都用佢~~ 預熱好就放入去!先係4分鐘~ 之後翻一翻再4分鐘,一共8分鐘就搞掂! 唔好以為咁簡單,個味好一般~~ 呢個干燒明蝦好食到連平時唔鐘意食蝦既老公都食左3隻! 仲話我煎得好,出面乾身,入面蝦就仲juicy~~ 我緊係無話佢知其實我乜都無做過,只係放落個免油炸寶到 :p 我見佢有送本書話整下甜品都得,等我放假時又試下先~ Facebook : 80後的人妻「旅」友 & 蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com