好耐無寫過食譜了，最近經過「點點綠」嘅商店見到來自加拿大Hidden Garden嘅曲奇，佢同普通曲奇唔同，唔係純牛油曲奇，亦唔係脆卜卜口感嘅曲奇。   佢係無麩質、不合堅果仁嘅曲奇，成分仲係天然嘅。     而每 4件迷你曲奇含有½ -¼杯的蔬菜，今次我就用咗甜菜紅絨味(兩塊)、南瓜薑餅味(兩塊)，去製作一人份量嘅木糠布丁。其實曲奇除咗可以就咁食之外，仲可以用嚟做甜品o架。   今次用Hidden Garden嘅曲奇做甜品，原因係食甜品都可以同時食到蔬菜嘅效果，所以我都好想試下讓和牛B吸收多少少蔬菜類。   和牛B仲邊學整，邊偷食。     【木糠布丁。食譜 (一小杯份量)】   材料： Hidden Garden 曲奇 4塊  淡忌廉 100ml  煉奶 15g (甜味可自行調教)   雲尼拿香油 2滴     做法:  1.將曲奇放入保鮮袋將曲奇壓碎，備用    ^ 將曲奇完全打碎就可以了   2.用電動發蛋器將淡忌廉打至變糊狀    3.將煉奶及雲尼拿香油拌勻     4.將煉奶及雲尼拿香油加入淡忌廉中，打至杰身    5.將餅碎、淡忌廉梅花間竹倒入杯中    6.放入冰箱冷藏1小時，即可食用   而曲奇4塊，重量大概27g左右吧。   超簡單、材料又少，只需幾個步驟，就能輕鬆做到一份甜品~而和牛B仲話好好食，我自己食過，都好香~曲奇碎仲好滑添呀。             -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。