忽然間好想食滑蛋豬扒飯, 但屋企冇豬扒wo~ 不過又比我摷到pack雞比wo~ 咁就嚟個親子丼啦~ 想完咪又係整比米豬食~~~ 呢排媽媽好懶洋洋.... 出食譜好慢... 大家鞭策吓媽媽.... 材料: 雞上肶扒 半塊 洋蔥 1/3個 雞蛋 2隻 調味: 味琳 1茶匙 鰹魚醬油 半茶匙+半茶匙 蒜粉 1茶匙 做法: 1. 雞扒去皮切粒, 用蒜粉同半茶匙鰹魚醬油醃10分鐘 2. 洋蔥順紋切絲,  因為比米豬食所以再切一半短d   3. 中小火爆香雞肉 4. 全部都金黃色後, 落洋蔥絲炒勻 5. 同時間, 2隻蛋+味琳+鰹魚醬油打勻 6. 洋蔥絲軟身後, 用個mousse ring框住晒d餸 7. 落蛋, 轉最最最小火 8. 由於係比米豬食, 我要make sure d蛋全熟, 所以我冚咗個蓋等面頭d蛋都熟晒~  全部熟晒之後用筷子圍住mousse ring內圍劃一圈, 拎起, 之後成個餸鏟起放落飯面 食得~   米豬試食時間~ 正野呀喂~~~ 和風料理呀~!! 自己不一大啖~   手指都啜埋~ (因為個蛋汁好味呀~~) 媽媽再不多d比我唔該~   煮食小貼士: 1. 可以用雞柳, 雞胸, 用雞肶係貪佢滑~ overcook都唔會好覺XD 2. 鰹魚醬油係我自己整的, 比一般d豉油低鈉(溝稀咗ya ma ;P) 3. 用mousse ring圈住d餸先落蛋, 係因為個煎pan太大喇~ 用mousse ring就啱啱同米豬個碗一樣咁闊, 咁先似丼ga ma~ 4. 熟晒之後用筷子劃一圈先拎起mousse ring, 係等d餸同蛋唔好痴實, 出嚟個形狀靚d~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/