記得我細個玩Lego， 都係將佢搭到最高做把劍然後劈斷佢， 又或者分顏色去扮紅豆沙，豆腐花黎做煮飯仔， 成日睇到人地幅圖砌到城堡、遊樂場之類會好羨慕， 但係點解我會砌唔到嘅？只係識將D人仔個髮型換來換去！ 到今日Bella玩Lego， 我先知Lego要玩得有意義， 係要從旁引導佢自己玩，而唔係由佢亂玩。 之前同佢去Lego Duplo Workshop， 由註冊教育心理學家教我地點樣引導Bella去玩Lego Duplo小火車。   最初我會覺得未到兩歲嘅人仔， 點會識砌路軌! 不過真係唔好睇小佢地嘅吸收學習能力， 第一round同佢地一齊砌， 第二round協助佢地砌， 第三round佢地自己已經識砌喇邏！   Lego Duplo嘅對象係1.5歲～5歲嘅小朋友， 可以話係一套讓幼兒發展創意同想像力嘅入門系列， 透過玩樂過程學習認知配對、手眼協調、專注及持續忍耐，   好似呢款Duplo系列小火車咁， 透過開動有聲火車及配件指示牌， 黎刺激埋佢地感官同邏輯理解， 完成路軌後又可以比佢地發揮創意， 自己設計周邊配件！   ♥如果你地想同BB試玩呢套小火車， 不妨參加Lego Baby Month活動「成為小車長·得寶火車站體驗之旅」， 親子歡樂同時又可贏取豐富禮物，而且費用全免， 分別係玩具反斗城、一田百貨及AeonStyle舉行。 活動詳情日期可參閱：https://goo.gl/Z9jH4Z ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經