睇電視話呢~ 每日都要食到五色食物, 去維持身體健康呀~~ 分別係黑色, 白色, 紅色, 綠色同埋黃色, 所以呢排都盡量平均地將五色食材比米豬食~ 今日試吓呢個三色三文魚飯啦~    材料: 蕃茄 半個(紅色) 露筍BB 8條(綠色) 蘑菇 2粒(原來佢係屬黑色ga!) 三文魚 1件(唔知咩色, 當係黃色得唔得ga?) 米 1/4杯(白色) 蒜頭 1瓣(白色)   調味: 蒜粉 半茶匙 lemon pepper 1/4茶匙 唔.... 今次爭黃色呀~! 下次再改良吓先~!!   做法: 1. 一邊爐頭煲飯, 同時將蒜頭切碎 2. 蘑菇用濕廚紙抹走表面灰塵後切粒, 露筍洗乾淨後切粒, 蕃茄都切粒 3. 三文魚切粒後用蒜粉醃十分鐘 4. 細火落油起鑊, 爆香蒜蓉 5. 先落露筍炒香, 然後落蘑菇粒, 蘑菇粒開始出水就落三文魚煎香 6. 三文魚轉色後落埋蕃茄, 落lemon pepper 7. 炒到水份收乾之後, 加落飯入面, 冚蓋煮到飯熟, 食得 米豬試食時間~ 有綠色粒粒我最鐘意~~~ (喜歡食菜菜的寶寶~) 呢排肯自己不返飯喇~~~ 不過要我不定响匙羮佢自己放入口~~ 一步一步嚟啦~ 媽媽相信你總有一日會自己好好咁食飯~    好味道~ 食到may may咀笑~~   煮食小貼士: 1. 蘑菇唔洗得ga~ 真係唔好洗呀~ 唔單止冇晒菇味, 仲會一路炒一路狂出水, 成碟都水dat dat ga~~ 2. 露筍要揀青綠色d, 就咁脆口d na~ 3. 我買日式三文魚扒, 唔係圓形一個圈咁0個d, 易處理d~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/