今次做了這客迷你紫菜蘆筍豬肉卷, 再配埋南瓜汁, 完全覆蓋了蘆筍的微苦, 紫菜除了包飯包玉子, 原來包豬肉好夾,味道有驚喜, 加上有滿滿一盤南瓜汁做調味後盾, 肉卷也不用再加任何調味, 做法唔算大工程,有blender更佳。 所有食材九個月可以食, 但食物大小就要媽媽自己因應BB的咀嚼能力去剪細, Bella做的這個尺寸for一歲以上! 《BB食譜:迷你蘆荀豬肉卷拌南瓜汁》 材料: 幼身的迷你蘆筍4支 免治水展豬肉兩湯匙 BB紫菜 南瓜半隻手掌大 10ml配方奶或鮮奶 粟米芯數條 (拌碟用,可改用其他BB喜歡的) 經常有媽媽問我用邊隻BB紫菜, 其實我大多數都係買韓國的, 今次用了這包BeBe Food的。 做法: 1. 迷你蘆筍洗淨後,切走尾段,因為尾段較硬而且有渣, 如果不想浪費此部分,可留著稍後與豬肉一起blend。 2. 剩下我蘆薈再切成兩截,備用。 3. 南瓜洗淨去皮切件備用。粟米芯煮熟備用。 4. 免治豬肉放入blender再打一次, 這樣肉質會較細,利於咀嚼,亦不容易散, 可同時放入蘆筍尾段一起打碎以免浪費。 5. 把些許豬肉放在紙茶上,位置大約如圖, 然後放入一支蘆筍,再把它們卷起, 卷時留意不要太鬆開,要包實。 6. 水滾後,大火隔水蒸8-10分鐘。 7.蒸完後是挻身,易拎,不會散的。 如果怕蒸時黏碟撕爛紫菜,可於蒸前在碟上掃少少油。 8. 做南瓜汁,把南瓜蒸熟後打成蓉。 再加入10ml奶拌勻即成。 9. 把蘆筍豬肉卷剪一半,或自己想要的大小。 如追求美感可以自行略再修剪一下。 10. 放入南瓜汁及粟米芯,即成。 BB可以拎住點汁食, 又可以給他們一支匙羹勺南瓜蓉, 喜歡的更可以加入一些飯於南瓜汁上一齊食。 希望各位BB喜歡, Bella媽下次再做特色料理比大家, 留意我地Facebook更新啊! ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 媽媽經 親子日常