相信大家都知道和牛B係Peppa Pig超級Fans,所以我一直都有留意住Peppa Pig嘅最新活動。 而之前台灣不定時都會有Peppa Pig 粉紅豬小妹超級互動展,但係由於要出國同埋期間限定嘅關係,就唔係我優先考慮嘅因素。 望穿秋水,Peppa Pig再度回歸香港,由即日起至8月21日(一連7日)舉行「動感假期 Great Vacation 室內互動遊樂場」。當我一收到消息,我就二話不說馬上去買定飛等開幕!! 4 個互動遊戲區 I) EXPLORE THE OUTDOORS 1. 我是小小探險家 / Junior Explorer 2. 去露營 / Camping Adventure 3. 親親環保大自然 / Keep Our Nature Clean II) SUNNY PLAY DAY 4. 戲水池 / Dive In 5. 捉泡泡 / Bubble Catch 6. 齊做消暑運動 / Splashing Around III)PLAYGROUND 7. 樂趣樹屋 / Tree House 8. 跳跳泥濘 / Muddy Puddles IV)FUNFAIR 9. 滑滑梯 / Slide, Slide Away 10. 趣味攤位 / Game Booths 11. Peppa 露營補給站 / Supply Store 我哋係第一日最後一場(夜晚7時至9時場次),和牛B食飽咗先出發。 去到入場門口,需要排隊等入場。同時,職員會依照你手持入場券派發代幣。 代幣超可愛呀!! 因為上面印咗Peppa Pig字之外,仲有Peppa個頭像。 準時夠鐘入場,一入到場就見到呢一塊巨型Backdrop,絕對係影相留念位。 仲有Peppa Pig故事入面嘅主角同埋朋友仔~ 而我會依照地圖,由第一個遊戲開始為大家介紹有咩好玩~ 我是「小小探險家 / Junior Explorer」,呢個區主要係一個影相靚位~ 「去露營 / Camping Adventure」,呢個場景令我諗起其中一集故事。 立體嘅豬仔,歡迎用手機拍照,亦可以用大會相機影相印製拼圖留個念,價錢$180/份。 而呢個互動遊樂場,除咗可以俾小朋友放電之外,仲可以學習知識。 「親親環保大自然 / Keep Our Nature Clean 」- Peppa Pig故事情節入面,有一集係講廢物回收。而會場都設有廢物回收遊戲區,讓小朋友親身參與,更加深入明白同學習分類,養成環保意識。 ^ 遊戲不設年齡限制。 ^ 學習回收玻璃、紙品、鋁罐。 ^ 報紙到底應該放去邊個回收箱呀? ^ 完全正確呀! 就係「Paper」啦~ 來到第4個遊戲區「戲水池 / Dive In」,又係故事入面其中一個情景,去泳池。 - 每節限時3分鐘 - 每節最多容納8人 - 只適合2歲或以下; 身高80cm或以下 - 必須穿著襪子方可進入 (大會亦可即場購買襪子,價錢$10/對) 第5個遊戲「捉泡泡 / Bubble Catch」,場景繼續同故事有關。 有個大屏幕播放住Peppa Pig關於吹泡泡一集嘅故事,園區不停吹住泡泡。 小朋友可以自由玩樂,捉泡泡。 - 每節限時2分鐘 - 每節最多容納12人 - 3歲或以下必須由家長陪同 Peppa Pig迷一定要去嘅區「齊做消暑運動 / Splashing Around」,因為Peppa 同 George會輪流出嚟同豬迷見面。 超級的開心,一個場合分別見到晒Peppa同埋George!! 歡迎用手機拍照,亦可以用大會相機影相印製立體相框套裝留個念,價錢$150/套。 ^ 買相後,大概等15分鐘,拎住呢張換領券認領返相片。 - 不設年齡限制 ^ 大會立體相框照片套裝 $150套 ^ 記得留意每場入面嘅每節見面時間哦 第7個遊戲「樂趣樹屋 / Tree House」 ,其實係充氣滑梯遊戲組,係必玩放電遊戲之一。 好好玩呀~和牛B話好快呀~ - 3歲或以上; 身高90cm或以上。 第8個遊戲「跳跳泥濘 / Muddy Puddles」,Peppa Pig故事入面,所有人物角色都超鍾意跳泥氹。所以對於和牛B嚟講,佢都一樣好鍾意跳「水」氹。 嚟到呢到,因為人流唔係好多,唔洗點排隊,佢足足跳咗5、6次有多。 睇落好似膠袋,但彈力十足嘅「泥氹」。而泥氹分成大細泥氹,大係俾3-12歲(身高90-150cm)玩,細泥氹係俾3歲或以下(身高90cm以下)玩。 不過,小朋友都係活潑好動,所以全部泥氹都會跳晒。 - 每節3分鐘 - 大泥氹適合3-12歲(身高90-150cm); 細泥氹適合3歲或以下(身高90cm以下) - 每節容納10人 第9個遊戲「滑滑梯 / Slide, Slide Away」,和牛B超鍾意玩,所以和牛媽媽都推介俾大家。 滑道有4條,每條滑道都有一個職員協助小朋友玩。不過,當日我去人流唔算好多,滑道開2-3條都足以應付。 速度唔算好快,和牛B都坐得定定所以可以自己玩。如果小朋友太細,就要由家長陪同先可以玩了。 人流唔多和牛B玩咗超級多次,我敢肯定佢玩咗超過10次(哈)。 - 4歲以上及身高105以上 (自行參與); 4歲或以下或身高105cm以下必須由家長陪同 - 每次只可以滑一次 我覺得呢到感覺係Peppa Pig嘅嘉年華,遊戲10「趣味攤位 / Game Booths」。 場內有4個攤位遊戲,有3個遊戲需要3個代幣玩一次,有1個遊戲就1個代幣玩一次。 亦即係一家三口持三張票入場嘅話,絕對可以玩晒4個攤位遊戲一次。 每個攤位送嘅獎品都唔同添~~ ^ 1個代幣嘅遊戲,就好似玩拋彩虹咁。 最後一站「Peppa 露營補給站 / Supply Store」,其實就係場內嘅Peppa Pig期間限定紀念品店啦~ Peppa Pig 動感假期公仔系列將會在活動期間限定發售,仲係全港獨家。 一套六個,包括:芭蕾Peppa (30cm), 海盜George (30cm) 及Peppa一家四口(各13cm) 原價$480,場內開心價$350。每人只限買兩套,鍾意嘅朋友快啲買啦~ 場內仲有Baleno x Peppa Pig防蚊童裝系列,重點係有會場優惠呀!!! $150/2件 (平均$75一件)。 大會入面,上空仲排有人物角色嘅活動區旗,你哋又有冇留意到呢?? 【場內設施】 - 嬰兒車停泊處 - 洗手間 【總結】 活動場地空間好大,不過玩樂設施對大人嚟講,可能會係有少許失望。但留意呢個活動對象,主要係熱愛Peppa Pig嘅小朋友,和牛B就話好好玩。因為佢真係好鍾意Peppa Pig,而和牛B最鍾意玩同玩得最多次就係滑滑梯 / Slide, Slide Away、跳跳泥濘 / Muddy Puddles。如果唔係因為太放電,佢覺得超肚餓,佢真係會玩到唔捨得走呀。 同埋,亦唔需要夾時間夾假期飛台灣,就可以玩到Peppa Pig互動遊樂場。 其實,值唔值得去呢一點。 係睇大人係咪以大人角度去睇小朋友嘅活動,因為小朋友嘅世界其實好簡單。 【Peppa Pig 動感假期 Great Vacation 室內互動遊樂場 @ 九展】 活動日期: 2018年8月15至21日 活動地點: KITEC九龍灣國際展貿中心6/F展貿廳3 票價: $200 場次: -9am - 11am -11:30am - 1:30pm -2pm - 4pm -4:30pm - 6:30pm -7pm - 9pm 購買熱線: 3128 8288 網上購票: https://premier.hkticketing.com/shows/show.aspx?sh=PEPPA0818&langpref=zh-cht *2 歲或以上或 身高80 cm 或以上人士必須購票入場 *門票已包含4枚可換取獎品之遊戲代幣 -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。