今年未踏入暑假就已經熱辣辣，而家八月就簡直熱到溶咗。 唔通「夏日炎炎真係要眠？」錯！錯！錯！簡直就係大錯特錯！ 咁好陽光就緊係出去同陽光玩遊戲兼玩下水啦！ 我地小JM家今日同朋友仔一齊去咗黃金海岸，仲玩咗「夏日黃金 WATER FUN」添 呀。 喺炎炎夏日一齊同朋友去玩嘅好去處，你都快啲一齊去撲水啦！   活動小簡介： 「夏日黃金WATER FUN」活動係由 We嘩 充氣嘉年華 所舉辦， 係一個適合一家大細玩去玩樂玩水嘅暑期好去處。 而且活動內容非常豐富，設有多個不同區域，濕晒身咁玩就夠晒消暑啦。 而全場最曯目嘅莫過於一條80呎嘅全港最長水滑梯，真係刺激滿FUN!   事不宜遲，一齊去片睇下有幾好玩啦！     睇完片之後係咪更加心郁郁呢? 等我地再為大家來個小介紹，睇完可能你會急不及待要去買飛。 但記得唔好錯過後尾嘅至抵購票優惠呀！   不過玩時玩都要注意安全及做足預防措施嘅！   溫馨提示 ????記得搽防曬 ????記得補充足夠水份 ????記得帶定多套衫及泳衣     ????全港最長嘅80呎水滑梯 好玩指數：***** 小JM媽亦都親身試玩咗，真係夠晒刺激，速度感一流，臨尾濕物位都有驚喜，會淺起浪花。   ????蘑菇動感水世界 好玩指數：**** 如果小朋友想玩，亦都可以去到「蘑菇動感水世界」度玩小朋友都啱玩嘅水滑梯，高度及速度亦都唔錯架! 另外亦一個巨型糖果屋造型嘅彈床連滑梯添！ 而最得意嘅亦莫過於呢間咁可愛嘅糖果屋水滑梯，有得彈跳跳之餘又可以玩水滑梯添！ 小JM同哥哥都玩唔停呀。     ???? 激落FUN 外國HIT爆嘅「激落FUN」呢度都一樣有得玩，仲分別設有大人及小朋友版添架，真係啱晒唔同年齡層嘅小朋友呀！ 大人版「激落FUN」 好玩指數：**** 其中一位參加者需要坐係大水桶上嘅機關椅度， 而另一位參加者就需要負責投球，務求擊中目標令參加者跌入大水桶之中。   小朋友版「激落FUN」 好玩指數：*** 小朋友版「激落FUN」相對就無咁刺激，但好玩程度一樣咁正！只要用球擊中目標，就可以令人「一盤冷水兜頭淋」！   「激落FUN」既好玩又刺激，仲可以鍛煉小朋友手眼協調、加強腦部及大肌肉運用添； 大人又可以借此減壓，簡直一舉幾得，得咗！     ????夏日水上飄 好玩指數：***   相信呢個項目大家都唔會陌生，一定有見過甚至玩過。 只要進入大滾筒內不斷跑跑跑，就可以圍繞水池一周架啦！都幾考體能架。 不過因為天氣炎熱嘅關係，係筒內少不免就會有啲焗，如有不適就要停低休息啦！     ????充氣水世界 好玩指數：***   場內有一個大水池，池內有多款不同造型嘅浮床、水泡、水槍及水球添架。   ????STEM 百搭引水板　 好玩指數：****   引水板比較特別，可以俾小朋友自己注水，再開水掣。 有趣度滿FUN!　對小朋友而言簡直好玩爆燈！ 足以令小朋友樂上半天。     ????鬼馬轉轉車 好玩指數：***   場內有小男生喜歡嘅轉轉車，車內亦可注水，一碰一撞下，水就會溢出！     ????外星UFO迷宮 好玩指數：**   外型吸引嘅外星UFO迷宮，內裏漆黑一片，但放置咗多個水球位，同朋友入內玩捉迷藏兼掟水球都唔錯喔。 不過內裏比較焗，畢業太陽曬住，要小心注意喔！     夏日黃金WATER FUN 日期 :  8月4日至8月19日(一連16日)  地址 :  香港黃金海岸 (香港黃金海岸青山公路1號)   現場每節票價：  平日 HKD $160 (大小同價) 星期六、日及公眾假期 HKD $200 (大小同價) (部份活動收益將撥捐香港移植運動協會作慈善用途)   而家只要經　Sozmart 優先訂飛　仲會有更抵價添! 平日只需HKD $128 星期六、日及公眾假期 只需HKD $160   *注意：係大小同價喔！* 團購優惠 ：http://bit.ly/2Nb0lg6   Remarks: ????大人唔落水唔駛收費 ????一個大人可以帶兩個小朋友入場 ????90cm以下免費進場   ⏰可選時段⏰  10-30-12:30 12:40-14:40 14:50-16:50 17:00-19:00 ????每個時間之間會休場10分鐘喔！????   We嘩 充氣嘉年華 網站： http://www.wewaland.com /  http://www.facebook.com/wewaland