之前同小JM一齊去過朗豪坊參加Gudetama梳乎遊記兼拜師。 而今日我同小JM再次來到朗豪坊，仲參加埋Gudetama梳乎遊記嘅最終章 - 梳乎美食遊! 話到明係「梳乎美食遊」，又點少得美食呢！ 呢度齊集咗七大人氣美食品牌所推出嘅獨家首創梳乎蛋Comfort Food， 足以提供到一個以視覺及味覺去治癒一眾梳乎蛋迷嘅心靈。   場內唔單止有美食，仲有五個靚到閃爆相機嘅靚靚打卡位添架！ 我地仲收到可靠情報指出梳乎蛋嘅兩位新朋友仔「雞動哥」同「蛋黃兒」都會隆重登場添喎！ 而喺場內嘅另一邊仲會有「梳乎限定店」優先出售獨家首賣嘅官方精品架。 呢個活動可以話係集食、買、玩於一身，啱晒一家大細一齊去打卡影相嘆美食。   VIDEO:     事不宜遲，即刻帶大家睇下有咩美食同美景啦！   五大打卡呃LIKE影相點： 「輕飄飄•飛上天」 進場後只要抬頭仰望，就會見到一個闊4米、高2.5米嘅超巨型梳乎蛋輕鬆游閒咁係空中暢游。   「雙蛋Sunshine」 梳乎蛋嘅新朋友「蛋黃兒」正正戴著草帽照顧住雞蛋們，真係好盡責； 相反梳乎蛋就繼續沉醉喺煙肉被窩之中，正所謂午睡降溫才是王道呀嘛！   「雞動哥午後Chill」 梳乎蛋嘅另一位新朋友「雞動哥」係極罕有嘅好動份子，最鍾意揹起背囊通處跑。   「腸仔蛋BBQ」 梳乎蛋無懼熱辣辣嘅天氣都親自上陣為一眾梳乎蛋迷BBQ喔！   「Gudetama雪糕車」 可愛嘅梳乎蛋換上吊帶工人褲造型，想話吸引一眾梳乎蛋迷來買雪糕，你又受唔受落呢？     睇完嘢又影完相打卡，係時候要醫一醫肚，不如一齊去睇下有咩好嘢食啦！   鮮製香腸專家「Gusteau’s」 Gusteau’s係小JM家喜愛嘅腸仔品牌之一，爸爸最為喜愛辣味，而我同小JM就喜歡芝士味。 今次活動Gusteau’s一共推出四款不同嘅美食及飲品，啱晒一家大細，總有一款啱你口味！ 「梳乎夏日涼浸浸（香橙口味）」(HKD$58@) Gusteau’s特意設計咗兩款梳乎蛋圖案嘅閃燈，飲完仲可以留返來做小擺設添。 而且仲有DIY 套裝俾大人同小朋友一齊自家製一杯特飲添架! 「梳乎蛋沙律連木製蛋杯及小木羹」(HKD$98@) 原木製嘅蛋杯及小木羹印有梳乎蛋圖案，值得梳乎蛋迷收藏喔！   「漲卜卜梳乎香腸」(HKD$20@) 香港製造而且印有梳乎蛋圖案嘅香辣蜜糖雞肉腸，令人愛不釋口！   「梳乎蛋沙律熱狗」(HKD$58@) 可愛爆燈嘅梳乎蛋麵包造型，配上醒胃沙律，簡值係視覺及味覺嘅一大享受！       摩登養生品牌「CheckCheckCin」 「CheckCheckCin」推出六款梳乎蛋米水/茶療連玻璃保溫瓶套裝。 梳乎米水套裝／梳乎茶療套裝　(HKD$205@)   實行為梳乎蛋迷提供「梳乎大師」可愛箋方，輕鬆舒緩「不瘦降」、「玻璃心」、「豬隊友」、「扮工失調症」、「醋狂症」和「宅男女」6大都市症狀。     主題甜點店舖「山下菓子」 「梳乎巨型砵仔糕」(HKD$40@) 「梳乎懷舊大菜糕」(HKD$50@) 「梳乎經典糖蔥餅」(HKD$20@)       知名乳酪雪糕品牌「Smile Yogurt」 Gudetama特別版乳酪雪糕，層層新鮮芒果配上乳酪雪糕，口味清新，最引人注目的是穩坐其上、高舉雙手向你招手的梳乎蛋，造型滿分！ 「梳乎仲夏乳酪雪糕」(HKD$78@)     欣宜星級曲奇「Homie Cookies」 「梳乎棉花糖流心芝士咸蛋黃撻」(HKD$25@) 黃金流沙口味的梳乎蛋芝士撻，加上白雪雪的Gudetama棉花糖。   「梳乎咸蛋黃軟曲奇」($25@) 咸蛋口味曲奇推出Gudetama特別版!   「梳乎朱古力蛋」($168@) 欣宜自家品牌Homie Cookies破天荒為Gudetama設計全新「蛋中蛋」甜品，只要把白巧克力蛋的外殼敲破，一隻可愛的梳乎蛋就會「破殼而出」！   除咗以上五間店舖之外，其實仲有兩間朗豪坊嘅商戶參與是次活動嘅，分別係「i Cremeria Café」及「滿記甜品」！ 日式甜點名店「i Cremeria Café」 「梳乎蛋芒果蛋糕」(HKD$68@) 「梳乎蛋午後輕食配北海道赤肉蜜瓜雪糕」(HKD$138@)   港式甜品「滿記甜品」 「梳乎奶蓋芒果冰」(HKD$49@) 「梳乎蛋布甸」(HKD$18@) 「梳乎楊枝甘露」(HKD$49@)     【Gudetama梳乎美食遊】資訊: 日　　期： 2018年8月1日至9月2日 時　　間： 上午11時至晚上11時 入場費用： 全免 地　　點： 朗豪坊4樓通天廣場     梳乎限定店好物: 必買之選: Gudetama碟(10.5cm)  HKD$38.5@ 朗豪坊「梳乎限定店」開放詳情 日　　期： 2018年8月1日至9月2日 時　　間： 上午11時至晚上11時 地　　點： 7樓         「Gudetama梳乎夏日禮」活動: 「梳乎蛋木製餐盤」換領詳情 日　　期： 2018年8月3日至9月2日 時　　間： 上午11時至晚上11時 地　　點： 朗豪坊4樓通天廣場 換領方法：    於朗豪坊商場即日消費滿HK$1,000 （最多兩張即日機印單據，其中一張必須為HK$100以上的4樓《Gudetama梳乎美食遊》參與商戶之消費單據），即可免費換領限量版「梳乎蛋木製餐盤」1個（限量800套*）；   「Gudetama雞蛋仔梳乎扇」換領詳情 日　　期： 2018年8月1日至9月2日 時　　間： 上午11時至晚上11時 地　　點： 朗豪坊4樓通天廣場 換領方法：   只需將有關《Gudetama梳乎美食遊》的照片上載到Instagram及hashtag　#Gudetama梳乎美食遊再　@langhamplace便可獲贈別注版「Gudetama雞蛋仔梳乎扇」，數量有限，換完即止 活動標籤：#Gudetama梳乎美食遊 @langhamplace   朗豪坊「梳乎限定店」開放詳情 日　　期： 2018年8月1日至9月2日 時　　間： 上午11時至晚上11時 地　　點： 7樓