其實我仲未試過帶小火子入戲院睇戲，所以一直等待緊一部岩佢睇既電影， 睇完《超人特工隊2》既預告片，好搞笑! 覺得係呢套啦， 小火子應該會鍾意睇， 《超人特工隊2》好大機會就係我地一家人入戲院睇既第一套戲啦! 雖然電影要7月19日先上畫，但超人特工隊既主角就去左銅鑼灣時代廣場Time square，等我帶小火子去睇下，等佢認識下超人特工隊既不同角色先。 迪士尼．彼思《超人特工隊 2》超級總部展覽 展覽 日期： 2018年6月29日至7月29日 時間： 早上10時至晚上10時 開放區域： 銅鑼灣時代廣場 ·       地面露天廣場：4米超巨型BB積積、超能家族互動專區、BB積積專區、超級大戰展區、《LEGO The Incredibles 樂高超人特工隊》PlayStation 4遊戲區 《超人特工隊2》角色見面會：超能先生、彈弓女俠或冰條俠隨時現身 日期： 2018年7月21、22、28、29日 時間： 下午3時、4時45分、6時 《超人特工隊2》期間限定Pop Up店 日期： 2018年7月7日至29日 時間： 早上10時至晚上10時 開放區域： 銅鑼灣時代廣場地庫B1 (city’s super對出)     打卡位超多 玩盡超能家族互動專區 最多影相位既一定係超能家族互動專區，因為可以參觀超能家族屋企，可以去小麗專區，同佢既防護罩影相，仲有冰條俠、超能先生等等。 不過最吸引小火子既係小衝專區，為左突顯小衝既速度，小衝專區入面係好大風既，於是小火子就來來回回咁出出入入左好多次。媽媽我同小火子其實都未睇過《超人特工隊》第一集，不過見到D角色都覺得好過癮，小朋友都應該會鍾意! 互動專區仲有PlayStation 4遊戲區，咁好玩，到時除左吸引小朋友外，大朋友都一定會想去睇睇! 4米超巨型BB積積超吸晴 我幾時都覺得小朋友既觀察能力係好過大人既，至少小火子既觀察力一定比我好….當我在超能家族互動專區影相影得好開心既時候，小火子突然指住外面話:｢好巨型呀!｣ 我既眼光一轉，真係見到好大個BB頭呀! 原來互動專區旁邊就係4米超巨型BB積積，好得意呀，我同小火子在巨型BB積積腳下，即時變得好嬌小呢! BB積積專區 雖然超能家族互動專區，同4米超巨型BB積積都好吸引，但我最鍾意既係BB積積專區，因為果度有成20隻BB積積任影任摸，加埋粉藍色天空背景，影相出來的效果真的超得意! 咁岩小火子果日又係著左紅色褲，在BB積積專區影相時，佢似其中一個BB嗎? 超能先生、彈弓女俠或冰條俠，於指定時間仲會出現同大家影相，7月7日開始會有pop up store，大家快D mark 定時間帶小朋友去啦! 謝謝收看，如果喜歡貓町媽媽的文章或想觀看更多親子玩樂情報， 歡迎到訪貓町媽媽的facebook專頁: <貓町媽媽 親子 玩樂 扮靚日誌> https://www.facebook.com/catdingmama/