而家嘅人對健康要求越嚟越高，以前大家都會去果汁店買蔬果汁，但係隨住越嚟越多「添加」，不如直接喺屋企搾果汁。  喺台灣好流行嘅破壁機，除咗可以用嚟做鮮果汁，仲可以幫手整料理。最近我都入手咗一部美的破壁機BL1188，內置鈦金不鏽鋼刀片，用超高速將食材切割粉碎，打破食材嘅細胞壁。有研究顯示，經過破壁之後嘅食物，90%營養可以被人體吸收到，所以受一班健康達人歡迎，率先帶領咗呢個潮流。  今次就由入門級嘅鮮果沙冰開始，一齊嚟認識下點用呢部美的破壁機。 材料（1杯份量）： 藍莓  1盒  冰粒  5粒 步驟： 1. 預先將藍莓洗淨，然後放入雪櫃3個鐘以上，或雪至冰凍 2. 將冰凍咗嘅藍莓，連冰粒一齊放入美的破壁機，調較到右邊有數字嘅打磨功能 3. 首先調較到「1號」10秒作為warm up，之後調較到「2號」30秒開始打磨至沙冰 4. 小心開蓋睇睇沙冰狀況，如果冰粒仲未打碎晒，可以調較到「3號」10-20秒，用強力作最後打磨 5. 藍莓同冰粒打至沙冰狀態就完成 小貼士：  －破壁機嘅刀片喺高速轉動之下會發出熱力，所以製作沙冰要快！ －選用鮮果唔需要再加糖，試味後想甜啲可以落蜜糖 ，再打5秒。 －如果覺得沙冰打得未夠順滑，可以再調去「3號」打多5秒 －打完嘅沙冰上面會有一啲小泡沫，好多人覺得泡沫口感唔好就會倒咗佢，其實層泡沫含有豐富嘅酵素，酵素可以幫助人體抗炎、抗菌、凈化血液、增強免疫同細胞復活等等作用㗎！   是次小分享完畢，有興趣可按 麵語錄食玩遊記 by Aminn 或 C家重地 其他分享 :)       麵語錄食玩遊記 by Aminn (Lifestyle) www.facebook.com/m.for.aminn / www.instagram.com/starzaminn  C家重地 (Parenting) www.facebook.com/sy.lam.family 任何合作請接洽：aminn613@gmail.com