做咩呢排咁忙潛晒水? 米豬病病呀(◞‸◟；)  感冒... d鼻水好似瀑布咁.... 一日抹成十條紗巾, 啱啱出世0個時都冇咁誇........ 又咳到差d嘔, 又發燒........ 病病..... 就梗係扭計啦, 加埋出犬齒+大牙1隻, 我差幾乎比佢掛响個身度咁滯... 我條腰呀ヾ( ๑´д`๑)ﾂ........... 睇咗醫生食咗葯, 好似冇咩好到咁(食一次就好晒你仲驚!!) 唔理喇~! 古法啦~!!!   洋蔥蘋果燉獨子蒜 材料: 洋蔥 1個 富士蘋果 1個 獨子蒜 1粒 工具: 一隻大碟 一隻碗 反轉個碗cup落大碟度, 好似下圖咁   做法: 1. 將蘋果用乾淨ge刷刷洗表皮, 去芯, 切片 2. 洋蔥去衣順紋切條 3. 獨子蒜都去衣切片 4. 將全部蘋果, 洋蔥同獨子蒜逐層咁圍住個碗, 唔好放最頂, 因為d汁會入唔到個碗入面 5. 水滾後放入鑊, 隔水蒸30分鐘 6. 蒸完會見佢地頹晒 7. 夾走晒d蘋果, 洋蔥同獨子蒜, 拉起個碗 8. 所有汁吸晒入個碗入面, 攤涼小小就可以比米豬飲喇 大約有半碗仔, 80-90ml 訓醒覺覺就飲, 因為落咗蘋果, 甜甜地, 所以都好肯飲ge~ 乖乖地飲完唔好咳咳喇, 心痛死媽媽....   煮食小貼士: 1. 有d人用紫洋蔥, 話冇咁大味, 其實2樣都ok ge~ 買到邊樣咪邊樣囉~ 2. 其實用蒜頭都得ge, 不過老人家話獨子蒜好d~ 3. 間唔中整嚟飲吓, 可以增強抵抗力wo~ 但我冇咁做( ◞･౪･) 因為米豬每日都食成半個洋蔥同2瓣蒜頭ga~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/