呢個....... 係我ge宴客菜嚟ga~~~ 因為老公話今晚佢中學老師上嚟食飯呀~~~ 冇理又又炒菜咁悶ga ma~ 所以要諗吓d花款野囉~~ 仲要米豬又可以一齊食喎~~ 就整節瓜甫啦~~   材料: 節瓜 2碌 (大人手掌長度) 魚肉 $15 (早一日同魚檔講定, 佢留返小小唔落味賣比我~)   調味: 鹽 半茶匙 lemon pepper 小小   芡汁 (BB冇份): 蠔油 2湯匙 糖 1茶匙 水 半碗 生粉 1茶匙 (用1湯匙水開成生粉水)   做法: 1. 節瓜括走毛毛後切圈, 用批皮0個個野括走瓜囊, 同時間响隔離煲一煲水一陣用來烚熟節瓜 2. 水滾落1茶匙油+半茶匙鹽, 煮十分鐘   3. 夠鐘後即刻沖凍水 (水喉水都OK, 因為你仲要再煮的), 沖到所有節瓜都變涼(咁就可以keep住翠綠啦~) 4. 節瓜做SPA期間處理魚肉, 由於冇落味, 所以我落咗小小調味落去, 包括鹽同lemon pepper 8吓, 然後順同一個方向攪到起膠 5. 節瓜做完SPA涼晒之後, 就搽小小生粉响內籠, 用隻濕咗水ge匙羮釀d魚肉入去 6. 記得唔好慳家, 質爆佢, 壓實小小 7. 釀好晒~ 8. 開中細火落小小油, 放晒d節瓜莆落去煎 9. 2邊煎到金黃色, 筷子督入魚肉冇黏住就OK~ 10. 夾起幾件比米豬, 其餘就大人食 11. 大人食0個d埋返個蠔油芡~ 蠔油+糖+半碗水搞勻之後落鑊細火煮滾, 放返節瓜莆落去索味, 生粉+1湯匙水搞勻之後逐小加入鑊, 直至你滿意ge杰度~ 12. 開飯喇~   煮食小貼士: 1. 魚檔唔肯留冇味ge魚肉比你? 唔緊要~ 你還有豬肉檔啊~~~ 免治豬肉加幾粒馬蹄剁碎做涵都得ga~  2. 如果怕買返來d魚肉去骨唔清, 可以用密窿d ge筲箕隔一隔先, 將魚肉放上用, 去匙羮壓d肉落去, 隔咗ge魚肉應該就冇骨ga na~ 3. 其實煎ge時間唔駛好耐, 因為節瓜一早已經熟晒~ 如果唔sure夠熟未, 可以用筷子督吓佢, 如果用dd力先督到, 就為之啱啱好 4. 吼米豬訓咗玩釀節瓜真係有點趕忙, 下次我會之前一晚整定( ͡° ͜ʖ ͡°)     米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/