各位媽媽們~ 又嚟偷懶喇喂~~ 日日都30幾度呀.... 一秒都唔想留响廚房呀....... 呢個終極偷懶正呀~ 係我靚太朋友教我整ga~~ 一煲過, 有菜有肉, 隔離爐頭蒸埋條魚又一餐喇~~~ ^皿^v   材料: 旺菜(又叫紹菜) 半棵 豬腩片 一包 (可以就咁買豚肉, 不過我貪豬腩片有小小油會香D) 調味(昆布湯底): 昆布 1片(大約大人手掌2/3咁大) 柴魚 20g 水 2碗   做法: 先講昆布湯底: 1. 先將昆布洗乾淨, 放入2碗凍水浸4-6個鐘 2. 將昆布水連昆布倒入平底煲, 中小火煮滾後keep住細火煮多10分鐘 3. 加入柴魚之後再煮多1分鐘, 熄火焗5分鐘 4. 準備筲箕+廚房紙, 將昆布湯倒落去 5. 咁樣連柴魚碎都唔會走落湯喇~ 好~ 搞掂個湯, 到旺菜豚肉 6. 洗乾淨旺菜之後, 就切到大約吋半闊(或者同條豬腩片一樣咁闊, 之後就一層菜一層豬咁疊住佢, 疊到8-9層高   7. 切開同個煲咁上下高 (睇你個煲有幾高, 不過一般大約吋半到2吋都夠)  8. 楝企由煲邊開始一路圍到入煲中間 9. 圍到咁樣~ (呢個係一個18cm圓煲) 10. 加入昆布清湯, 冚蓋 11. 中火5分鐘後, 之後轉細火10分鐘 12. 食得~   煮食小貼士: 1. 唔駛一定用鑄鐵鍋, 普通平底煲一樣做到~ 不過可能時間要長返小小 2. 其實預1碗昆布湯都夠, 因為旺菜會出水 3. 唔食豬, 可以改用肥牛~ 不過買瘦d law~ 火鍋羊肉片都得ga (不過我唔食羊我唔會試XD) 4. 昆布湯可以一早煮定一煲, 放入雪櫃4日內用晒都可以, 可以用來煮麵呀蒸水蛋呀sukiyaki呀~~~ 5. 如果淨係大人食ge話, 就可以將昆布湯轉成2湯匙味琳+2湯匙日本醬油+1碗水, 其餘step一樣   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/