收到好多媽媽inbox我， 叫我做多些蒸的BB料理， 所以今次我就做左呢款三色蛋餅。 其實類似的蛋料理之前都做過， 例如紫菜三文魚玉子卷， 不過都係比油煎嘅， 但今次呢款好唔同， 我用左蒸，BB可以用手拎住食嘅蒸蛋。 賣相我自己好滿意， 加入左橙黃綠色蔬菜， 而且又係好適合唔多like食菜嘅Bella食， 做法唔複雜，簡單幾個步驟ok。           材料（3人份量親子共食）： 雞蛋4隻 南瓜數片切半長條 菠菜數支，把葉及莖切開 紅蘿蔔一小支切長條 粟粉水：2茶匙混合20ml水     工具： 1～長方型可蒸的可加熱器皿，最理想是深一點的長型玻璃密實盒，如果沒有追求長方片形狀，可用玻璃飯碗之類，做完後再切自己心水形都可以。 2～另外預備平時焗蛋糕嘅牛油紙，今次我臨急才發現屋企無哂牛油紙，所以用左微波爐保鮮紙代替，雖然可遇高溫，不過我第二次再做時就用返牛油紙，始終都係整比BB食，兩者用途都係幫到蒸蛋容易起模，否則也可在器皿底及周邊掃少少油，才倒入蛋液。   做法： 1. 首先蒸紅蘿蔔，南瓜及菠菜。 水滾後放入大火蒸7-8分鐘後備用。     2. 打蛋。打蛋要特別注意不要大力“發”， 用慢動作把蛋拌勻，用筷子拌的時候， 筷子要貼住碗低攪拌，以免打入太多空氣。     3. 把粟粉水加入蛋液再慢慢拌勻。     4. 準備器皿，於器皿中舖上微波爐保鮮紙或牛油紙，方便蒸完後脫模。     5. 注入蛋液，再加入蔬菜，確保所有蔬菜被蛋液浸住。要切出來圖案靚就花一點心思放入。         6. 水滾後，煲底放隔熱墊或架，用坐水蒸法，水位至器皿的一半左右。 中火蒸12分鐘（由於我用的是比較傳熱的，如果是用玻璃的可能需要長一點時間，也各人爐具火力不同，但只要插入牙簽拔出沒有蛋液便是熟了。）   7. 在面層我沒有蓋保鮮紙或錫紙之類，也由於蒸的時間有點長，所以蒸完表面有凹凸不平及皺皺是正常的，切件後會唔覺，加上我哋唔係蒸易散嘅滑溜水蛋，係蒸比較挺身嘅蛋餅，今次重點在於切件後斷面層嘅圖案精緻，如果一定要講究埋表面較平滑，就試試蒸時用錫紙遮一遮，避免太多倒汗水滴回入蛋汁形成氣孔，而且也要掌握到很好時間，一確保熟了就即時取出。     8. 完成後連用保鮮紙輕易取出，放涼。   9. 之後可以切片享用。     10. 有些大BB已開始食調味， 喜歡的也可在蛋汁中放些鹽吊味， 南瓜紅蘿蔔都甜甜的，而且夠淋， 自己再選擇加入BB喜歡的蔬菜也可， 但不要放會出水的如蕃茄洋蔥之類， 可加蘆薈，秋葵，紅菜頭等。     可以親子共食，大人享用時， 蘸醬汁食如酸甜醬，麻醬或辣椒醬等， 我試過是非常非常好味的。 最近亦做左藜麥嘅食譜，同埋一款非常健康x10又好靚易整嘅BB版和菓子呢，努力寫緊食譜，記得留意我Facebook更新呀。         ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常